Свет
Северна Кореја има нов устав: Ким Џонг-ун доби нова титула
Новиот севернокорејски устав, кој познавачите на околностите го сметаат за чекор кон воспоставување мир со САД, официјално го прогласува Ким Џонг-ун за шеф на државата и врховен командант на вооружените сили.
Северна Кореја долго време бара мир со САД со цел нормализирање на односите и отстранување на техничката состојба на војна, која постои од периодот на Корејската војна (1950 – 1953), што заврши со примирје, а не со официјален мировен договор, пишува хрватски „Индекс“.
Новиот устав, објавен на државниот портал „Naenara“, вели дека Ким како претседател на Советот за државни работи, главното извршно тело формирано во 2016 година, е „врховен претставник на сите Корејци“, што значи дека е прогласен за шеф на државата и врховен командант на вооружените сили.
Претходниот устав го именуваше Ким како врховен лидер кој раководи со целата вооружена сила на земјата.
Формално, според претходниот устав, шефот на државата беше претседател на парламентот, односно шеф не презедиумот на врховното народно собрание.
„Ким сонуваше да стане претседател на Северна Кореја и тој го направи тоа“, вели Ким Донг-јуп, професор на Институтот за Далечниот Исток на Универзитетот Кјунгнам во Сеул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.