Свет
Северна Кореја лансира балистичка ракета првпат по два месеца, итно сe огласи Америка
Северна Кореја денеска истрела балистичка ракета кон морето источно од Корејскиот полуостров, објави началникот на здружениот генералштаб на Јужна Кореја.
Лансирањето се случи за време на посетата на државниот секретар на САД, Ентони Блинкен, кој е во Јужна Кореја каде присуствува на демократскиот самит на претседателот на таа земја, Џун Сук Јеол, пренесува Ројтерс.
Јапонската крајбрежна стража исто така објави дека биле лансирани три објекти слични на балистички проектили, два во исто време, а следниот околу 37 минути подоцна.
Премиерот Фумио Кишида на парламентарна седница изјави дека севернокорејски проектили паднале во водите меѓу Корејскиот полуостров и Јапонија, сите надвор од ексклузивната економска зона на Јапонија, и дека не е забележана штета и нема повредени.
Американскиот Стејт департмент го осуди лансирањето, велејќи дека тие претставуваат закана за соседите на Северна Кореја и ја поткопуваат регионалната безбедност.
Во соопштението на Стејт департментот се наведува дека посветеноста на САД за одбрана на Јужна Кореја и Јапонија останува силна, пренесува „АП“.
Американскиот државен секретар, Ентони Блинкен, рече дека САД секогаш ќе соработуваат со Јужна Кореја за да одговорат силно на провокациите на Северна Кореја, соопшти претседателската канцеларија во Сеул, откако Пјонгјанг истрела повеќе балистички ракети со краток дострел кон Источното Море.
Блинкен ја испрати оваа порака за време на состанокот со претседателот Џун Сук-Јол на маргините на третиот Самит за демократија, чиј домаќин е Јужна Кореја оваа недела, пренесува „Јонхап“.
„Секретарот Блинкен рече дека САД секогаш ќе стојат покрај Јужна Кореја за силно да одговорат на провокациите на Северна Кореја и да обезбедат мир и стабилност на Корејскиот полуостров“, се вели во соопштението.
Во соопштението се додава дека првиот американски дипломат повикал на продолжување на блиската координација и комуникација меѓу сојузниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Каталонскиот претседател ја напушта политиката по катастрофалниот резултат на неговата партија на регионалните избори
Каталонскиот претседател во заминување денеска изјави дека ќе се повлече од политиката откако неговата сепаратистичка партија постигна катастрофален резултат на регионалните избори на кои шпанските социјалисти му нанесоа тежок удар на каталонското движење за независност.
Каталонската републиканска левица (ERC) на претседателот Пере Арагонес останува главната надеж за социјалистите, кои на вчерашните избори освоија најмногу гласови, но не доволно за мнозинство, да формираат влада во богатата покраина во североисточна Шпанија.
Арагонес, кој ја водеше Каталонија три години, рече дека неговата партија нема да ги поддржи социјалистите, на кои им порача да се свртат кон тврдокорната сепаратистичка партија Junts per Catalunya (Заедно за Каталонија).
„Каталонската републиканска левица ќе остане во опозиција каде што не сместија граѓаните“, рече тој пред новинарите.
Социјалистите, предводени во Каталонија од Салвадор Ила, освоија 42 места во 135-члениот каталонски парламент по преброени повеќе од 99 отсто од гласовите, а нивниот вообичаен коалициски партнер, крајно левичарската партија Сумар, освои шест. Јунтс има 35 мандати, а Каталонската републиканска левица 20.
За да можат да формираат влада, партиите треба да имаат 68 пратенички места. Високиот функционер на Социјалистичката партија Нурија Парлон им рече на новинарите дека претпочитаат левичарски договор со Каталонската републиканска левица и Сумара или, алтернативно, малцинска влада поддржана од други партии.
Каталонската републиканска левица владееше за време на периодот на намалување на тензиите со шпанската социјалистичка влада по турбулентни години откако Каталонија одржа нелегален референдум за независност во 2017 година и накратко прогласи независност, што доведе до уставна криза.
Европа
(Видео) Русите нападнаа со тенкови и оклопни транспортери, ги пречекаа Украинците
63-та Посебна механизирана бригада на украинските вооружени сили објави видео на Телеграм на кое се гледа уништување на руски тенкови и оклопни возила на бојното поле.
„63-та бригада уништи десет единици руска опрема одеднаш со помош на дополнителни единици и браќа по оружје од 60-та бригада. Како резултат на неверојатно прецизни артилериски напади и напади со беспилотни летала, пет тенкови и пет пешадиски борбени возила кои се обиделе да ги нападнат нашите позиции беа запалени“, напишаа покрај објавената снимка.
On the Kreminna front, units of the 63rd Mechanized Brigade with assistance of the 60th Brigade repelled a fairly big Russian mechanized assault near Tors'ke. Roughly 10 units of Russian equipment were disabled, damaged or destroyed. Among them 5 tanks and 5 BMP's. pic.twitter.com/bie1Ps9BCG
— NOELREPORTS 🇪🇺 🇺🇦 (@NOELreports) May 13, 2024
Украинските борци истакнаа дека за да се запрат ваквите руски пробиви, неопходно е „да се плати највисоката цена“. „Но, ние гарантираме дека ниту капка крв на нашите војници не е залудно пролеана. Тоа значи десет пати поголеми загуби за непријателот“, додаваат тие.
Според достапните информации, се се случило кога Русите извршиле механизиран напад од големи размери во близина на градот Торска во областа Доњецк. Русите тврдат дека зазеле поповолни позиции на тој простор и им нанеле загуби на припадниците на 63-та механизирана и 117-та бригада за територијална одбрана.
Европа
(Видео) Полицијата го растури пропалестинскиот протест на Универзитетот во Амстердам
Полицијата го растури пропалестинскиот протест на Универзитетот во Амстердам, откако демонстрантите кои ја осудуваа израелската војна во Газа ги окупираа универзитетските згради во неколку холандски градови, објави новинската агенција АНП.
Hundreds of riot police were dispatched to quell a peaceful pro-Palestine protest in Amsterdam, where thousands of university students and staff staged a walkout in solidarity with Gaza and to denounce the Israeli genocide there.
The protesters also demanded that the country's… pic.twitter.com/crPrW9Uhls— Quds News Network (@QudsNen) May 13, 2024
Претходно денеска, холандска протестна група соопшти дека ги окупирала универзитетските згради во холандските градови Амстердам, Гронинген и Ајндховен.
Во објава на социјалната мрежа „Икс“, полицијата во Амстердам соопшти дека универзитетот поднел полициска пријава против демонстрантите за вандализам.
Students and or rioters throwing papers outside of the windows of the UvA university Amsterdam. #UvA #protest #Amsterdam #Gaza #Israel ©️iAnnet pic.twitter.com/wSrGuWWI9m
— iAnnet 🦋 (@iAnnetnl) May 13, 2024
Полицијата се грижи никој да не може да влезе во универзитетските згради и ќе побара од демонстрантите доброволно да ги напуштат просториите, се додава во соопштението.
The university staff walkout has started in Amsterdam ✊🏻🚩🇵🇸
Huge amount of support here. We will not stop till the university listens. https://t.co/C8V9bskZ55 pic.twitter.com/cLF2pH7qGw
— chugging pilk at 2am and getting a tummy ache (@GASLIGHTER_) May 13, 2024
Портпаролот на Универзитетот во Амстердам ја потврди окупацијата и рече дека ги советувал луѓето кои не се поврзани со протестот да ја напуштат зградата.