Европа
Северна Кореја: Путин ја прифати поканата за посета; Кремљ: Нема такви планови

Севернокорејскиот лидер Ким Џонг-ун го покани рускиот претседател Владимир Путин во својата земја за време на нивните разговори во Русија, објавија утринава државните медиуми, при што се очекува Ким да го продолжи своето патување со посета на воено производствени капацитети.
Путин ја прифати поканата, објави Корејската централна новинска агенција (КЦНА), без да прецизира кога би можела да се одржи посетата.
Ким Џонг-ун му рекол на Путин дека средбата на рускиот Далечен Исток ги подигнала билатералните врски на ново ниво и ја изрази својата подготвеност да поттикне стабилни односи насочени кон иднината во следните сто години, пренесе КЦНА.
Поканата до Путин да ја посети Северна Кореја дојде на крајот на приемот организиран од шефот на Кремљ по обиколката на вселенскиот центар „Восточни“ на Далечниот Исток на Русија и разговараа за билатералните врски и зајакнувањето на соработката, пренесе КЦНА.
„На крајот од приемот Ким Џонг-ун љубезно го покани Путин да ја посети КНДР во погодно време“, соопшти КЦНА мислејќи на Демократска Народна Република Кореја, официјалното име на Северна Кореја.
„Путин со задоволство ја прифати поканата и ја потврди својата волја секогаш да ги продолжи историјата и традицијата на пријателство меѓу Русија и Северна Кореја“, се вели во соопштението.
Кремљ: Нема план за доаѓање во Пјонгјанг
Вчера, портпаролот на Кремљ, Дмитриј Песков, изјави дека не постои план Путин да го посети Пјонгјанг.
„Двајцата лидери се согласија за дополнително зајакнување на стратешката и тактичката соработка соочени со „воените закани, провокациите и тиранијата на империјалистите“, објави КЦНА.
Ким беше информиран за техничките детали за руските вселенски летала за време на посетата на полигонот за вселенски тестови „Восточни“, но не се споменуваше набавка на оружје, трговија со оружје или техничка помош со програмата за оружје.
По пречекот, Ким „замина на следната дестинација“, соопшти КЦНА, без да даде повеќе детали.
Официјални претставници на САД и Јужна Кореја изразија загриженост дека Ким Џонг-ун би можел да ѝ виспорача оружје и муниција на Русија, која потрошила огромни резерви во повеќе од 18 месеци војна во Украина. Москва и Пјонгјанг ги негираа таквите намери.
Американскиот Стејт департмент соопшти дека администрацијата на Бајден нема да се двоуми да воведе дополнителни санкции за Русија и Северна Кореја доколку направат какви било нови договори за оружје.
Беше загрижувачко што Русија зборува за соработка со Северна Кореја на програми што потенцијално би ја прекршиле резолуцијата на Советот за безбедност на ОН, изјави портпаролот на Стејт департментот, Метју Милер, по самитот во Русија.
Путин вчера даде многубројни навестувања дека се разговарало за воена соработка, но не навлегува во детали. На разговорите присуствуваше и министерот за одбрана, Сергеј Шојгу. Кремљ рече дека чувствителните дискусии меѓу соседите се приватна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украинците: Русите имаат стратегија за недостиг на вода во Донецк – чекаат дожд

Центарот за национален отпор (CNO) извести за новата стратегија на Русија во врска со снабдувањето со вода во привремено окупираните области на Донецката област. И покрај критичниот недостиг на вода, единствениот план на Кремљ беше да почека есенски и зимски врнежи, извести CNO, пренесува UNN.
Според експертите, во резервоарот Старокримски остануваат само 15 % од резервите на вода – приближно 7 милиони тони наместо потребните 45 милиони. Уште девет резервоари се исушија, а бунарите исто така се сушат.
🚱 Kremlin’s new “strategy” for water shortages in occupied Donetsk region? Just wait for rain.
The Staryi Krym reservoir is down to 15% of capacity — only 7M tons left out of 45M. Nine other reservoirs have dried up, wells are disappearing.
Moscow once again condemns people on… pic.twitter.com/B3ejrIi204
— The National Resistance Center of Ukraine (@ResistanceMove3) September 25, 2025
„Кремљ уште еднаш докажува дека жителите на привремено окупираните територии се осудени на преживување, додека Москва се занимава само со извоз на ресурси и пропагандни слики“, нагласи CNO.
Според податоците од Градскиот совет на Мариупол во август, водата во градот се испорачува само еднаш на секои два дена и максимум четири часа.
Подоцна, во контекст на хуманитарната катастрофа со водоснабдувањето, привремено окупираните територии на Украина се соочија со остар скок на цената на увезената вода – за само неколку дена цената се зголеми од 50 на 80 рубли (од 0,51 на 0,81 евро) за шише од пет литри.
фото: принтскрин
Европа
(Видео) Пожар во магацин по експлозија во Англија: „Огромна огнена топка“

Силна експлозија по која синоќа избувна голем пожар во магацин во индустриската зона Граундвел во Свиндон, Англија. Голем број служби за итни случаи беа на местото на настанот, а полицијата ја евакуира непосредната околина, објави „Скај њуз“.
Полицијата, пожарникарите и амбулантните возила беа повикани на местото на настанот околу 19.30 часот. Противпожарната и спасувачка служба на Дорсет и Вилтшир потврди дека најмалку 10 противпожарни возила и специјализирани возила, вклучувајќи платформа за скали и цистерни за вода, се на местото на настанот борејќи се со голем пожар во магацинот.
❗️🇬🇧 – Major Explosion at Industrial Site in Swindon, UK
On September 24, 2025, a massive explosion rocked the Groundwell Industrial Estate in Swindon, UK, at approximately 7:30 PM.
The incident occurred at a warehouse operated by ESP Smile, a printing company. Emergency… pic.twitter.com/z5d6wmBcNg
— 🔥🗞The Informant (@theinformant_x) September 24, 2025
Полицијата од Вилтшир ги повика луѓето што живеат во близина да останат во своите домови, да ги затворат сите прозорци и да ја избегнуваат областа на индустриската зона за сопствена безбедност. Тие додадоа дека нема потреба од евакуација на другите жители во близина.
Неколку локални жители на социјалните мрежи изјавија дека ја почувствувале експлозијата. Клое Хакет напиша дека имало масивна експлозија и дека нејзината куќа буквално се тресела.
„Огромна огнена топка. Навистина се надевам дека никој не е повреден и се надевам дека службите за итни случаи ќе останат безбедни“, рече таа.
⚡️A powerful explosion rocked the industrial area of Swindon, UK
Residents of nearby neighborhoods were evacuated. Witnesses reported hearing sounds resembling detonations. pic.twitter.com/M3bW1XiCHp
— NEXTA (@nexta_tv) September 25, 2025
Анџела Вилис додаде: „Се прашував што е тој огромен шум. Ми ја затресе вратата. Мислев дека некој се обидува да провали. Се надевам дека сите вклучени се добро и се надевам дека никој не е повреден“.
Еден корисник напиша дека „буквално почувствувал како целата куќа се тресе“ и додаде: „Свиндон буквално гори“.
фото: принтскрин
Европа
(Видео) Украинските напади даваат резултати: половина од бензинските пумпи на Крим останаа без бензин

Речиси 50 проценти од бензинските пумпи во окупираниот Крим и во Севастопол престанаа да продаваат бензин поради прекини во снабдувањето со гориво, објави рускиот провладин медиум „Комерсант“.
Изданието, повикувајќи се на податоци од следењето 17.000 руски бензински пумпи, наведува дека недостиг е регистриран и во други региони, но ситуацијата е најтешка на полуостровот.
Јужниот федерален округ, кој го вклучува и окупираниот Крим од Русија, беше меѓу најтешко погодените, со повеќе од 220 станици или 14,2 проценти од вкупниот број, кои ја запреа продажбата на гориво.
Less and less gas stations in occupied Crimea have fuel available. Insane long queues are forming. pic.twitter.com/m8Xrqx0fkq
— NOELREPORTS 🇪🇺 🇺🇦 (@NOELreports) September 24, 2025
Помеѓу 28 јули и 22 септември бројот на бензински пумпи што продаваат гориво во Русија се намали 2,6 процента.
Прекинот следуваше по бранот украински напади со беспилотни летала врз руските рафинерии во август, што го ограничи снабдувањето и ја принуди Москва да го намали извозот.
Според „Фајненшл тајмс“, Украина нападнала најмалку 16 од 38-те рафинерии на Русија од август 2025 година туркајќи го рускиот извоз на дизел на најниско ниво од 2020 година.
Украина ги повика западните сојузници да воведат дополнителни санкции врз руската енергија тврдејќи дека намалувањето на приходите од нафта ќе ја ослаби способноста на Москва да ја финансира војната.