Свет
Северна Кореја се закани дека ќе ја испрати војската во демилитаризираната зона

Северна Кореја предупреди дека е подготвена да испрати војска во демилитаризираната зона што ги разделува двете Кореи.
Оваа закана е делумно одговор на превратничка група од Јужна Кореја, која испраќала пропаганден материјал во Северна Кореја.
За време на викендот Ким Јо-џонг, сестрата на севернокорејскиот лидер Ким Џонг-ун, рекла дека и` наредила на војската да биде подготвена на таков чекор.
„Подготвени сме да заземеме позиции и да направиме линија на фронт во тврдината со висока воена будност“, соопштила војската.
Тензиите меѓу двете земји растат во последно време поради летоци кои стигнуваат со балони од Јужна во Северна Кореја.
Министерството за одбрана на Јужна Кореја соопшти дека, во соработка со САД, будно ги следи настаните на границата со Северна Кореја.
Двете Кореи се разделени со демилитаризирана зона по должина на границата, по војната во 50-тите години на минатиот век.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Свет
Русија: Предлозите на Западот за Украина се опасни, нè водат во конфликт со НАТО

Русија изјави дека западните предлози за безбедносни гаранции за Украина би го зголемиле ризикот од конфликт меѓу Москва и НАТО претворајќи го Киев во стратешки провокатор на границите на Русија.
Европските сојузници на Украина работат на изготвување сет гаранции за Украина што би можеле да бидат дел од потенцијален мировен договор и би биле дизајнирани да го заштитат Киев од евентуален иден руски напад.
Украинскиот претседател Володимир Зеленски во четвртокот изјави дека очекува рамката за безбедносните гаранции да биде утврдена уште следната недела.
„Безбедносните гаранции мора да се базираат на постигнување заедничко разбирање што ги зема предвид безбедносните интереси на Русија“, изјави портпаролката на руското Министерство за надворешни работи, Марија Захарова.
Таа на брифинг за медиумите во Москва изјави дека сегашните предлози се „еднострани и јасно дизајнирани да ја содржат Русија“.
„Овој сет предлози го крши принципот на неделива безбедност и му ја доделува на Киев улогата на стратешки провокатор на границите на Русија зголемувајќи го ризикот НАТО да се вклучи во вооружен конфликт со нашата земја“, додаде таа.
Москва претходно изјави дека не ѝ се допаѓаат европските предлози и дека нема да прифати никакво присуство на трупи на НАТО на украинска територија.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин