Свет
Северна Кореја тестираше неколку ракети

Северна Кореја тестираше осум балистички ракети во водите во близина на нејзиниот источен брег, продолжувајќи ги провокативните демонстрации со оружје оваа година, соопшти утрово јужнокорејската војска.
„ Нашата армија откри лансирање на осум балистички ракети со краток дострел од секторот Сунан во Пјонгјанг во правец на Источното Море“, соопшти Здружениот началник на Генералштабот на армијата на Јужна Кореја, пренесува АФП.
Ракетите биле лансирани во интервали од 30 минути, соопшти јужнокорејската војска.
Ова беше 18-то севернокорејско лансирање ракета оваа година, при што Пјонгјанг, исто така, ја спроведе првата демонстрација на интерконтинентални балистички ракети по речиси пет години.
Ким Џонг Ун се обидува да го зајакне статусот на Северна Кореја како нуклеарна сила со цел да преговара за економски и безбедносни отстапки од силна платформа, според АП.
Денешното лансирање ракета доаѓа по тридневните големи заеднички воени вежби на САД и Јужна Кореја.
Ова беа први воени вежби на двете земји откако новиот јужнокорејски претседател Јун Сук-јеол ја презеде функцијата на почетокот на мај, кој вети построга политика кон Пјонгјанг и први во кои носачот на авиони учествуваше од ноември 2017 година.
Северна Кореја долго време протестираше против овие заеднички вежби, сметајќи дека тие се генерална проба за инвазијата.
Јужнокорејски и американски официјални лица велат дека има знаци дека Северна Кореја ги продолжува подготовките на својата локација за нуклеарни тестирања во североисточниот град Пунг-ри и се подготвува да ја изврши првата нуклеарна проба од септември 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.