Свет
Семејството на полицаецот кој загина во немирите во Капитол го тужи Трамп
Семејството на полицаецот Брајан Сикник, кој загина по немирите на 6 јануари 2021 година во Капитол во Вашингтон, го тужеше поранешниот претседател Доналд Трамп.
Семејството го тужи Трамп за посредна одговорност за неговата смрт, бидејќи тие велат дека тој ден ги поттикнал своите поддржувачи на насилство.
Тужбата беше поднесена во Окружниот суд на САД во Вашингтон во име на семејството на полицаецот Брајан Сикник, кој почина на 43-годишна возраст по повеќекратните мозочни удари на 7 јануари. Иследникот изјави дека Сикник не претрпел никакви повреди за време на нападот на Капитол, каде што конгресмените ги потврдуваа резултатите од претседателските избори тој ден, оценувајќи дека смртта на Сикник настанала природно, но додаде дека насилните настани од претходниот ден „играле улога во неговата здравствена состојба“.
„ Обвинетиот Трамп намерно собрал голем број луѓе и им наредил да го нападнат Капитол и сите кои им се спротивставувале. Следувало насилство, повреди кои ги здобил и полицаецот Сикник. Неговата смрт е последица на зборовите и однесувањето на обвинетиот Трамп“, се наведува во тужбата.
Трамп е обвинет и за кршење на граѓанските права на Сикник, напад и небрежност и се бара отштета од 10 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.