Свет
Сестрата на Ким Џонг Ун: Договорот за воена соработка меѓу САД и Јужна Кореја го загрозува мирот
Ким Јо Џонг сестрата на севернокорејскиот лидер Ким Џонг Ун, предупреди дека договорот меѓу САД и Јужна Кореја за намалување на нуклеарната закана од Пјонгјанг може само да доведе до „посериозна опасност“.
Северна Кореја е убедена во потребата од „понатамошно подобрување“ на својата нуклеарна програма, одговори Ким Јо Јонг, чија изјава денеска ја пренесе севернокорејската државна новинска агенција KCNA.
„Колку повеќе непријателите инсистираат на одржување нуклеарни вежби, толку повеќе распоредуваат нуклеарно оружје во близина на Корејскиот полуостров, а остварувањето на нашето право на самоодбрана ќе биде во директна пропорција“, рече Ким Јо Џонг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украинските и севернокорејските војници ќе се судрат за неколку дена
Украинскиот претседател, Володимир Зеленски, изјави дека очекува судири меѓу севернокорејските и украинските војници за неколку дена, пренесува „Њузвик“.
Во интервју за Корејскиот радиодифузен систем, јужнокорејската национална телевизија, Зеленски рече: „До сега, севернокорејските трупи не учествувале во битки. Тие се подготвуваат да учествуваат во битките во Курск“.
Западните лидери изразија загриженост поради извештаите дека Северна Кореја испратила околу 10.000 војници за да и помогне на руската воена кампања во Украина, што ја зголеми загриженоста дека продлабочувањето на учеството на Пјонгјанг во европската војна може да го дестабилизира Индо-Пацификот, особено влијаејќи на безбедносната динамика која ги вклучува Јапонија и Австралија.
Зеленски потврди дека неодамна разговарал за ова со јужнокорејскиот претседател Јун Сук Јеол, предупредувајќи го дека околу 3.000 севернокорејски војници се веќе стационирани во близина на украинската линија на фронтот, со очекувања дека оваа бројка наскоро може да се искачи на 12.000.
Во меѓувреме, портпаролот на американското Министерство за одбрана, генерал-мајор Пат Рајдер изјави во вторникот дека релативно мал број севернокорејски војници пристигнале во рускиот регион Курск, каде што руските сили се борат против украинските контраофанзиви.
Тој додаде дека дополнителен контингент од илјадници моментално е на пат кон областа.
Свет
(Видео) Објавена нова снимка на која се гледа како се поплавува Валенсија
На социјалните мрежи е објавено уште едно видео, кое го прикажува доаѓањето на поплавниот бран во Пајпорта, Валенсија.
Бројот на загинати во поплавите во Шпанија денес се искачи на 158 лица.
Огромното мнозинство од овие смртни случаи – 155 луѓе – се регистрирани во Валенсија, соопшти регионалниот координативен центар за итни случаи на Платформата „Икс“.
„Процесот на собирање и идентификација на жртвите продолжува“, велат од центарот.
Премиерот Педро Санчез го посети центарот рано утринава.
Spain floods.
Paiporta. Valencia.
Terrific images… 😰 pic.twitter.com/Skj3V2Z3xs
— Tandros (@Tandros_MS) October 30, 2024
Регион
(Видео) Пожар во фабрика во Хрватска, пожарникарите се борат со огнената стихија
Во утринските часови во Калиновац, Хрватска, избувна пожар во познатата фабрика за опрема за одржување на сообраќајната инфраструктура „Раско“. На терен има бројни противпожарни единици кои го гаснат пожарот.
Компанијата „Раско“ ја потврди веста на својата Фејсбук страница.
„Имаше пожар во нашиот производствен погон во Калиновац. Во моментот на гаснење се ангажирани јавните противпожарни единици. Според достапните информации нема повредени. Неколку вработени се испратени на превентивни лекарски прегледи поради изложеност на чад. Правиме се што е во наша моќ за да обезбедиме безбедност и благосостојба на нашите работници и на пошироката заедница.
Ви благодариме на разбирањето и ќе ве информираме штом имаме повеќе информации – порачаа од „Раско“ преку социјалните мрежи, пренесува Подравски.хр.
Иако тоа допрва ќе се утврдува, според првичните информации, причината за пожарот е поврзана со погонските батерии, кои се вградени во возилата што ги произведува компанијата.