Свет
Сеул: Севернокорејски војници убија и запалија јужнокорејски службеник
Севернокорејската војска уби и запали јужнокорејски службеник кој исчезнал во граничните води, за кој се сомнева дека се обидел да побегне на Север, соопшти јужнокорејското Министерство за одбрана, осудувајќи го бруталниот чин.
Министерството тврди дека севернокорејските војници убиле човек кој исчезнал од патролен брод недалеку од границата, а потоа го полеале со бензин и го запалиле.
Тоа, како што се наведува, е заклучено врз основа на „разни разузнавачки податоци“, пренесува Би-би-си.
Пјонгјанг не ги коментираше наводите.
Сеул наведува дека службеникот работел во одделот за риболов и дека бил на патролен брод на 10 километри од границата со Север.
North Korea accused of killing South Korean official and burning his body https://t.co/oHufYf1Yis
— Guardian news (@guardiannews) September 24, 2020
Во соопштението на Министерството се вели дека 47-годишниот службеник ги оставил чевлите во чамецот и дека носел елек за спасување.
Се тврди дека севернокорејските војници подоцна го пронашле и го испрашувале и дека висок функционер наредил да биде погубен.
Претставник на јужнокорејското Министерство за одбрана изјави дека војниците со гас-маски потоа го запалиле телото, додавајќи дека се верува дека тоа е мерка против коронавирусот.
Министерството нагласи дека остро го осудува бруталниот чин и го повика Пјонгјанг да даде објаснување и да ги казни одговорните.
Северна Кореја ги засили граничните контроли за да го спречи влегувањето на коронавирусот во земјата и се верува дека тоа подразбира и дозвола за убиство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.