Свет
Се врати дома по шест години: исчезнатиот Алекс кој беше пронајден во Франција слета во Британија
 
																								
												
												
											Британскиот тинејџер Алекс Бити (17), кој беше пронајден во Франција откако исчезна пред шест години, синоќа се врати во Велика Британија, соопшти полицијата на Манчестер.
Алекс Бети, исчезна во 2017 година кога имаше 11 години, додека беше на одмор во Малага, на југот на Шпанија со мајка му и дедо му, напуштајќи ја духовната заедница на Пиринеите каде што живееше, објави „Ројтерс“. .
Момчето било пронајдено како лута по француските ридови на дожд, а наводно носел само скејтборд и 100 евра.
„Делуваше мирно и на прв поглед нормално. По години вака живеење, сигурен сум дека има психолошки последици, но изгледа како нормален тинејџер“, изјави Антоан Лерој, помошник јавен обвинител во Тулуз, додавајќи дека Алекс изгледа е многу интелигентен.
Лерој рече дека тинејџерот водел номадски начин на живот шест години со неговата мајка и дедо, кои биле „опседнати со енергија и соларни панели“. Се верува дека дедото починал пред околу шест месеци.
Les images du retour d’Alex Batty chez sa grand-mère, dans la banlieue de Manchester pic.twitter.com/Xa21jEl98K
— BFMTV (@BFMTV) December 16, 2023
Тинејџерот и рекол на полицијата дека живеел во духовни заедници во Шпанија, Мароко и Франција откако бил мајката и дедеото го киднапирале од неговата баба која му била законски старател.
Лерој рече дека Алекс сфатил дека „ова мора да престане“ кога неговата мајка ги објавила плановите да го однесе во Финска.
– Само рече дека не сака да оди во Финска. Не знаеме повеќе за тоа – рече помошникот јавен обвинител.
Во полиција изјавил дека мајка му и баба му по мајка го воспитувале од двегодишна возраст, кога татко му заминал од дома. На осумгодишна возраст, неговата мајка двапати го носела во Мароко по неколку месеци, што предизвикало конфликт меѓу нив двете. Три години подоцна бил одведен во Шпанија и никогаш не се вратил дома.
Полицијата сега истражува каде се наоѓа мајката на Алекс.
Лерој вели дека можеби отишла во Финска, како што имала намера да замине и дека за неа нема налог за апсење од француската полиција.
Алекс ќе се врати во Британија со неговата баба Сузан Каруан, која е негов законски старател и изрази задоволство што повторно се гледа со нејзиниот внук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
Израелскиот амбасадор во ОН до специјалната известувачка: „Вие сте вештерка, се обидувате да нѐ проколнете“
 
														Седницата на Третиот комитет на Генералното собрание на Обединетите нации се вжешти откако израелскиот амбасадор во ОН, Дани Данон, остро ја нападна специјалната известувачка Франческа Албанезе поради нејзиниот извештај во кој Израел се обвинува за кршење на човековите права и за меѓународната поддршка што ја добива.
„Госпоѓо Албанезе, секојпат кога се обидувате да го проколнете Израел со лаги и клевети, вашите клетви не успеваат. Вие сте вештерка, а овој извештај е уште една страница во вашата книга на волшепства“, изјави Данон обраќајќи ѝ се преку видео-врска.
Албанезе не можеше лично да присуствува на седницата, бидејќи САД ѝ воведоа санкции и ѝ ја укинаа визата во јули, со образложение дека вршела „нелегитимен притисок врз Меѓународниот кривичен суд“ за постапки против американски и израелски функционери.
Во најновиот извештај, Албанезе остро го критикува Израел, но и обвинува повеќе држави — меѓу нив САД, Велика Британија, Германија и Унгарија — дека се соучесници поради дипломатска или воена поддршка на Израел.
Канада, Австралија и Нов Зеланд се обвинети дека ги „ослабуваат“ резолуциите на ОН што го критикуваат Израел, додека Франција, Италија, Хрватска и Грција се спомнати затоа што му дозволиле на премиерот Бенјамин Нетанјаху да користи нивен воздушен простор и покрај налогот за апсење од Меѓународниот кривичен суд.
Извештајот ги споменува и неколку арапски и муслимански земји, меѓу кои Египет, Јордан, Катар, Саудиска Арабија, Турција, Индонезија, Пакистан и ОАЕ, поради поддршка на мировниот план на Доналд Трамп, кој, според Албанезе, „олеснува нов облик на окупација“.
Свет
Кралот Чарлс му ги одзема титулите на принц Ендру и го сели од кралската резиденција
 
														Британскиот крал Чарлс официјално покрена постапка за одземање на сите титули и почести на принцот Ендру, како и негово селење од резиденцијата „Ројал лоџ“, јави Си-Ен-Ен.
Одлуката уследи по нови реакции во јавноста поради поврзаноста на Ендру со осудениот сексуален преступник Џефри Епштајн и објавувањето на мемоарите на Џуфре, која го обвини принцот за сексуално злоставување додека била тинејџерка, обвинение што тој го негира.
Во соопштение на Бакингемската палата се наведува дека „Неговото Височество денес започна формална постапка за одземање на стилот, титулите и почестите на принц Ендру“ и дека тој отсега ќе биде познат како Ендру Маунтбатен Виндзор.
Палатата потврди дека Ендру ќе мора да се исели од резиденцијаа и да се пресели во приватен престој, додека неговите ќерки, принцезите Евгенија и Беатрис, ги задржуваат своите титули.
Во изјавата се нагласува дека „кралското семејство останува со мислите и најдлабокото сочувство со жртвите и преживеаните на сите облици на злоупотреба“.
Јавноста со остри реакции го коментира случајот, особено по откритијата дека Ендру за резиденцијата платил симболичен износ и плаќал минимална кирија, иако од 2019 година не е активен член на кралското семејство.
Свет
Саграда Фамилија официјално стана највисока црква во светот
 
														Познатата барселонска базилика Саграда Фамилија од денес е и официјално највисоката црква во светот, откако беше поставен новиот дел од централната кула, пренесе „Гардијан“.
Делото на Антонио Гауди сега се издига на 162,91 метар, со што ја надмина катедралата во германскиот Улм, висока 161,53 метра. Во следните месеци се очекува кулата на Исус Христос да ја достигне својата крајна висина од 172 метра.
Темелите на базиликата се поставени во 1882 година, а Гауди починал пред да го види проектот завршен.
Последните децении работите се забрзани благодарение на милионите туристи што ја посетуваат црквата; минатата година ја разгледале 4,9 милиони луѓе, а приходите од билетите целосно се користат за финансирање на изградбата.
Комплетното завршување на Саграда Фамилија се очекува околу 2035 година, а 2026 ќе се одбележи 100-годишнината од смртта на Гауди со низа културни настани.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											