Свет
Се обидела да ја отвори вратата од авионот на сред лет, рекла дека Исус ѝ кажал да го стори тоа
За патниците од Хјустон до Колумбус летот во саботата можел да стане смртоносен кога патничка се обидела да ја отвори страничната врата на авионот среде лет.
Жената, идентификувана како Елом Агбегнину (34), се турнала пред стјуардесата и се обидела да ја отвори вратата од авионот, но во тоа била спречена од храбар патник, додека пилотите го пренасочиле авионот, обидувајќи се да направат принудно слетување.
Наместо во Колумбус, авионот слета на националниот аеродром Бил и Хилари Клинтон во Арканзас, за да можат федералните агенти да го земат патникот.
Судските документи објавени од Окружниот суд на САД за источниот округ Арканзас откриваат дека инцидентот започнал кога Агбегнину стана и тргна кон задниот дел на авионот.
Таа стоеше и гледаше во вратата додека персоналот не ја замоли да оди во тоалет или да се врати на своето место. Жената го одби барањето на стјуардесата и остана таму каде што е, по што го турна персоналот до вратата и почна да ја влече бравата за да ја отвори.
Според информациите, мажот кој скокнал да ја запре бил гризнат неколкупати за ногата, а медиумите јавуваат дека откако жената престанала да го гризе мажот, почнала да ја удира главата во подот од авионот.
Документите откриваат дека таа имала бизарно објаснување за своите постапки: „Исус ѝ рекол да лета за Охајо и да ја отвори вратата од авионот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.