Свет
Се огласи сопругата на Асанж: Децата сѐ уште не знаат дека Џулијан е излезен од затвор, ќе викаат од покривите кога ќе им кажам

Сопругата на Џулијан Асанж, основачот на „Викиликс“, Стела Асанж, денеска изјави дека нивните две деца сѐ уште не знаат дека тој ќе биде ослободен.
Таа рече дека никој нема да може да ги спречи децата на пет и седум години да викаат од покривите кога ќе дознаат, пренесува „Гардијан“ и потсетува дека одлуката за ослободување мора да биде потпишана од судија. Како што рече, „полека и постепено им ги пренесува информациите“.
„Сепак, тие се многу возбудени што се во Австралија“, рекла Стела и додала дека неодамна пристигнале од Лондон.
Сопругата на Асанж, адвокатка, додава дека напредокот во процесот се случил кога Високиот суд во Лондон почнал да ја разгледува неговата уставна одбрана.
„Тогаш видовме чекор напред во однос на договорот меѓу страните“, рече таа додавајќи дека е ограничена во она што може да го каже за начелниот договор со американското Министерство за правда.
Таа, сепак, потврди дека договорот вклучува Асанж да се изјасни за виновен по едно обвинение, кое се однесува на Законот за шпионажата. На прашањето дали ќе биде слободен човек, Стела Асанж повтори дека мора да биде потпишан од судија.
„Кога судијата ќе го потпише, тогаш тоа е формално реално“, рече таа.
Џулијан Асанж се согласи да се изјасни за виновен по едно обвинение за заговор за добивање и откривање информации за националната одбрана. Со години американската влада тврдеше дека досиејата на „Викиликс“, кои открија информации за војните во Ирак и Авганистан, ставаат животи во опасност.
Тој беше обвинет во САД за време на администрацијата на Доналд Трамп, а обвинителите првично сакаа да му судат по 18 точки, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Земјотресот во Мјанмар ослободил енергија еднаква на 334 атомски бомби

Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна на повеќе од 300 експлозии на атомски бомби, изјави геологот Џес Феникс за Си-Ен-Ен.
Таа, исто така, предупреди дека последователните потреси би можеле да продолжат со месеци.
„Моќта ослободена од ваков земјотрес е околу 334 атомски бомби“, рече Феникс.
MASSIVE ground rupture/crack has appeared in Myittha, Mandalay Region, following the powerful M7.7 earthquake in Myanmar 😱👀 pic.twitter.com/vFlPet0XPH
— Volcaholic 🌋 (@volcaholic1) March 28, 2025
Таа објасни дека потресите ќе продолжат бидејќи индиската тектонска плоча сè уште се спушта под евроазиската плоча во областа Мјанмар.
Феникс додаде дека размерите на уништувањето дополнително ќе се влошат со граѓанската војна во земјата.
Во земјотресот загинаа над 1.000 луѓе.
Регион
Драма на небото над Хрватска: авион полета за Фанкфурт, па се врати назад за 20 минути

Авион на „Кроација ерлајнс“ кој утринава полета од Загреб за Франкфурт се врати на аеродромот „Фрањо Туѓман“ по само 20 минути лет, јавуваат патниците.
Авионот морал да се врати поради технички проблеми.
„Мала техничка неисправност. Сега седиме во авион во Загреб“, вели патникот, пренесе „Вечерњи“.
Како што се додава станува збор за авион „Даш 8“, кој е дел од националниот превозник од 2008 година, што значи дека лета веќе 17 години.
За таков модел, тоа е приближно две третини од работниот век, што во Европа е во просек 25 години.
Авионот е еден од петте вакви турбопромотори што ги има Хрватска во својата флота, 9A-CQA е најстар. Во последните седум дена имаше во просек по седум лета дневно.
Свет
(Видео) Жена се породи на улица, болницата евакуирана по силниот земјотрес

Жена се породи на улица во Бангкок вчера, откако болницата во која се наоѓала била евакуирана поради силниот земјотрес во Мјанмар.
Таа лежела на носилка, опкружена со медицински персонал кој и помогнал да се породи на отворено.
Поради земјотресот, евакуирани се повеќе болници.
Footage during the earthquake in #Bangkok a baby was born in the park 😭 Waht a story to tell ‘’ I was born during the earthquake ‘’ #แผ่นดินไหว #earthquake #myanmarearthquake #bangkokearthquake #ตึกถล่ม pic.twitter.com/7E0FdzfPEf
— Miia 🩵 (@i30199) March 28, 2025
Пациентите биле преместени во блискиот парк, вклучувајќи ги и оние на носилки и во инвалидски колички. Вработените во болницата продолжија да се грижат надвор, пред зградите на установата.
Земјотресот што го погоди Мјанмар беше еден од најразорните во последните сто години.
Според Геолошкиот институт на САД (USGS), епицентарот бил на 17 километри од Мандалеј. Бројот на загинати се искачи на повеќе од 1.000, а спасувачите се уште трагаат по преживеани под урнатините. Воената хунта прогласи вонредна состојба и повика на помош, додека ОН потврдија дека се во контакт со властите.