Свет
Се отвора базиликата „Свети Петар“
Базиликата „Свети Петар“, срцето на Ватикан, која беше затворена од 10 март, ги отвори своите врати симболизирајќи го враќањето на релативната нормалност во Италија, која со отворањето ресторани и кафулиња влезе во втората фаза на ослободување на мерките воведени за борба против пандемијата.
Базиликата „Свети Петар“, срцето на Ватикан, која беше затворена од 10 март, исто така ги отвори своите врати. Беше дезинфицирана кон крајот на минатата недела и сега прима посетители, но во ограничен број и со неопходно почитување на просторите.
Папата Франциско во неделата рече дека тоа е знак на надеж, но ги повика сите да ги почитуваат мерките што ќе го гарантираат здравјето на сите.
Миса сè уште нема да се одржува во базиликата, но затоа се планира напладне да се одржи миса во „Дуомо“, готската катедрала во Милано, симболот на Ломбардија, провинција најтешко погодена од Ковид-19.
Италија беше првата земја што прогласи карантин пред два месеца поради ширењето на коронавирусот. Земјата е сè уште трауматизирана, со 32.000 мртви и економија што е на колена, но од 4 мај почна да се чувствува зракот на слободата кога беше прогласен полукарантин, со што беа ублажени мерките за ограничување на движењето до одреден степен и почнаа да функционираат некои делови од економијата.
Вчера, во центарот на Рим, кој сè уште е празен, нема автомобили и туристи, имаше многу луѓе, шетачи, велосипедисти, тркачи. Со заштитни маски на лицето, тие се движеа околу Колосеумот, Трајановиот пазар и Римскиот форум, под будното око на карабиниерите, кои внимаваа да не се собираат граѓаните во преголеми групи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.