Свет
Се очекува отворање на граничниот премин од Египет кон Газа
Граничниот премин кон Газа, под контрола на Египет, се очекува повторно да се отвори поради дипломатските напори да се донесе помош за појасот под контрола на Хамас, кој е под интензивно израелско бомбардирање по нападот на милитантите на Хамас на 7 октомври.
Шокиран од нападот врз своите градови и села Израел го врши најтешкото бомбардирање што Газа некогаш го видела, воведе строга блокада и подготвува копнена инвазија. Во меѓувреме, стотици тони помош од неколку земји со денови седат на египетскиот полуостров Синај чекајќи договор за безбедна испорака во Газа и евакуација на некои странците преку преминот Рафах.
„Рафах ќе биде повторно отворен. Воспоставуваме со Обединетите нации, со Египет, со Израел, со други, механизам за да добиеме помош и да ја доставиме до луѓето на кои им е потребна“, рече американскиот државен секретар Ентони Блинкен по состанокот со египетскиот претседател Абдел Фатах ал-Седам во недела.
Блинкен не прецизира кога преминот ќе биде повторно отворен. Американскиот дипломатски ветеран Дејвид Сатерфилд, назначен во неделата за специјален пратеник за хуманитарни прашања на Блискиот Исток, ќе пристигне во Египет в понеделник за да ги разработи деталите, објави Блинкен.
„Ен-би-си њуз“, повикувајќи се на палестински функционер, објави дека граничниот премин Рафах ќе биде отворен в понеделник во 9 часот, а „Еј-би-си њуз“ објави дека преминот ќе биде отворен неколку часа в понеделник, без да даде детали. „Ројтерс“ не можеше веднаш да ги потврди двете извештаи.
Израел ги повика исцрпените жители на Газа да се евакуираат на југ, што стотици илјади веќе го направија во опколената енклава со повеќе од 2 милиона луѓе. Хамас, кој управува со Газа, им порача на луѓето да ја игнорираат пораката на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.