Свет
СЗО: Најзагрозените да примаат вакцина секоја година
Населението кое е под најголем ризик од коронавирус ќе треба да прима дополнителна доза на вакцина секоја година, предвидува Светската здравствена организација (СЗО).
Според последните проценки на СЗО, претставени на интерен документ до кој имал пристап „Ројтерс“, ова е единствениот начин да се добие заштита од сите видови.
Се проценува дека на општата популација ќе и треба дополнителна доза на секои две години.
Таа проценка е вклучена во извештајот што ќе се дискутира на состанокот на Глобалната алијанса за вакцини (ГАВИ), кој управува со програмата на СЗО, Ковакс.
Не е наведено како е донесен овој заклучок, но според прогнозите на експертите, новите варијанти на вирусот ќе продолжат да се појавуваат, а вакцините ќе мора редовно да се подобруваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Нешто добро се случува
Американскиот претседател, Доналд Трамп, проговори за разговорите меѓу САД и Украина, кои се дел од мировниот план на САД за ставање крај на војната и руската агресија.
„Дали е навистина можно да се постигне голем напредок во мировните преговори меѓу Русија и Украина??? Не верувајте додека не го видите, но нешто добро можеби се случува токму сега. БОГ ДА ЈА БЛАГОСЛОВИ АМЕРИКА!“, објави Трамп на социјалните мрежи.
Коментарот на Трамп доаѓа по интензивните разговори меѓу американските и украинските делегации во Женева, како дел од план од 28 точки чија прва верзија предизвика критики во Киев и европските престолнини за одредби што беа исклучително поволни за Русија.
САД тврдат дека сегашниот нацрт се менува и „сè повеќе ги одразува украинските национални интереси“.
Свет
Кошта: Единството на ЕУ е од суштинско значење за успехот на мировните преговори за Украина
Унифициран и координиран став на Европската Унија е клучен за обезбедување добар исход од разговорите за завршување на војната во Украина, изјави денес претседателот на Европскиот совет, Антонио Кошта.
Во објава на платформата X, Кошта рече дека разговарал со украинскиот претседател Володимир Зеленски, пред неформалниот состанок на лидерите на ЕУ за мировните напори во Украина, со цел да ја добие неговата проценка за ситуацијата, пренесува Ројтерс.
„Унифициран и координиран став на ЕУ е клучен за обезбедување добар исход од мировните преговори за Украина и за Европа“, истакна Кошта.
Вчера во Женева се одржаа преговори меѓу делегациите на Соединетите Американски Држави и Украина за американскиот мировен план од 28 точки, каде што Украина го изрази своето мислење и забелешки.
Американскиот државен секретар Марко Рубио по разговорите со украинската делегација изјави дека е постигнат огромен напредок во преговорите за завршување на војната во Украина, додека шефот на украинската делегација Андриј Јермак оцени дека средбата со американската делегација била продуктивна.
Фото: принтскрин
Свет
Тридневен национален штрајк во Белгија: нема да работат јавниот превоз, железниците, градинките, училиштата, болниците
Во Белгија денес започнува тридневен национален штрајк против социо-економските реформи на владата, која е решена да ги зголеми напорите за обновување на јавните финансии.
Штрајкот ќе биде во три фази, а јавниот превоз и железницата денес штрајкуваат, со ограничувања и откажувања на неколку линии. Утре се очекува штрајк во јавните служби, кој вклучува градинки, училишта, владини канцеларии и болници, додека национален штрајк е планиран за среда.
Доцна синоќа, владата постигна договор со премиерот Барт де Вевер за повеќегодишен план за буџетски заштеди.
Договорот го зголемува нивото на штедење во споредба со она што владејачката коалиција го планираше за почетокот на 2025 година и вклучува некои нови извори на приходи, особено преку удвојување на даноците на сметките за хартии од вредност и зголемување на ДДВ за одредени производи.
Оваа акција ја иницираа трите главни белгиски синдикати, кои се во борба за власт со централно-десничарската влада предводена од Вевер, пренесуваат медиумите во регионот.
Фото: принтскрин

