Свет
СЗО: Потрагата за потеклото на пандемијата ќе трае со години
Член на тимот од Светската здравствена организација (СЗО) кој спроведува истрага во Вухан, кинескиот град каде што првично беше откриен коронавирусот, вели дека е изненаден од комплексноста на задачата да се открие потеклото на вирусот и дека истражувањето веројатно ќе трае со години.
Доминик Двајер, микробиолог и експерт за инфективни болести, вели дека кинеските власти го одобриле пристапот за истражувачкиот тим да ги испитува почетоците на пандемијата на коронавирусот во Вухан.
„Сите знаат дека пандемијата избувнала од пазарот Хуанан во Вухан, но клучно е да се открие што се случувало тогаш и претходно“, вели Двајер.
Потеклото на коронавирусот стана високо исполитизирано прашање по меѓународните критики кон Кина за недостиг на транспарентност во раните денови на епидемијата. Пекинг ја застапува теоријата дека вирусот потекнува од друго место.
Двајер, австралиски експерт за ХИВ, кој соработувал со СЗО за време на епидемијата на САРС и птичји грип, вели дека главната загатка со Ковид-19 е тоа што првите асимптоматски пациенти не знаеле дека носат вирус.
„Наивно е да мислиме дека ќе дојдеме до нултиот заразен“, вели Двајер. „Раните случаи беа забележани во ноември 2019 година, но најважно е што се случувало кратко пред тоа“, додава тој.
Двајер се согласува со Питер Дашак, зоолог и експерт за болести кај животните, исто така член на тимот, кој нагласува дека ќе биде многу тешко да се разбере потеклото на коронавирусот.
„На пример и со САРС и со ебола, имаме неколку издржани теории, но никој не е сигурен“, изјави Дашак за „Ројтерс“ во четвртокот. „Со ХИВ, не ги знаеме точните околности“, истакна тој.
Истражителите во Вухан досега посетиле болници, истражувачки центри и пазар на морска храна каде што бил пријавен првиот случај, но нивните контакти во градот се ограничени на посетите организирани од кинеските домаќини.
Двајер рече дека тимот завршил со обиколка на местата и се подготвува да ги презентира првите заклучоци што е можно поскоро, пред 28-дневната виза за членовите на истражувачкиот тим да истече кон крајот на следната недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.