Свет
СЗО работи на насоки за употреба на Ремдесивир

Светската здравствена организација објави дека работи на развој на упатства за употребата на лекот Ремдесивир за третман на пациенти со Ковид-19, кои треба да бидат објавени за три до четири недели.
Комисијата на СЗО ќе се состане следната недела за да ги разгледа записите за ефективноста на лекот произведен од компанијата „Гилд сајенсиз“, пренесува Ројтерс.
Главниот научник на СЗО, Сумја Сваминатан, рече дека се надева оти законодавците и телата што работат на развој на упатства за лекување на Ковид-19 во земјите низ светот, ќе ги земат предвид резултатите од ова истражување.
Соединетите држави издадоа целосно одобрување за употреба на Ремдесивир за третман на пациенти со Ковид-19. Сепак, обемна студија спроведена од СЗО на почетокот на оваа година покажа дека лекот најверојатно немал ефект врз стапката на преживување на хоспитализираните пациенти опфатени со студијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Силен земјотрес ги погоди Филипините: најмалку 60 мртви

Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер во централните Филипини, а официјалните лица стравуваат дека бројот на жртви може да се зголеми додека спасувачите ги пребаруваат урнатините на зградите утрово.
Земјотресот го погоди брегот на градот Бого во покраината Себу во централниот регион Висајас, кратко пред 22 часот по локално време во вторник, предизвикувајќи прекини во електричната енергија и уривање на згради, вклучувајќи и црква стара повеќе од 100 години.
Провинцијата Себу, една од најпопуларните туристички дестинации на Филипините, е дом на 3,4 милиони луѓе. Меѓународниот аеродром Мактан-Себу, втората најпрометна порта во земјата, продолжи да работи.
Nahulicam sa Cebu bridge during earthquake.. Sep 30, 2025 at 9:59pm! Credits to the owner. Not my cam. #earthquake #cebu pic.twitter.com/Q4Cj47glsk
— _mockingjay (@dadnxtdoor_) September 30, 2025
Земјотресот најтешко ја погоди општината Сан Ремиџо. Во областа е прогласена состојба на катастрофа за да се забрза доставувањето на помошта.
Алфи Рејнс, заменик-градоначалник на Сан Ремиџо, повика на доставување храна и вода до евакуираните, како и тешка опрема за помош на спасувачите.
„Врне силно и нема струја, па затоа навистина ни е потребна помош, особено во северниот дел бидејќи има недостиг од вода откако цевките за снабдување беа оштетени од земјотресот“, изјави Рејнс за радиото DZMM.
Во соседниот град Богу, во близина на епицентарот, пациентите од болницата беа евакуирани, а силните потреси ги принудија многу жители да останат во центрите за евакуација и на улиците.
Агенциите за следење на земјотреси ја проценија длабочината на земјотресот на околу 10 километри и регистрираа неколку дополнителни потреси, од кои најсилниот беше со магнитуда од 6 степени. Немаше закана од цунами по земјотресот.
фото: принтскрин
Свет
(Видео) Голем холандски брод гори во Аденскиот Залив; Хути: Го нападнавме

Хутите синоќа ја презедоа одговорноста за нападот врз холандскиот товарен брод „Минерваграхт“, кој гори во Аденскиот Залив.
Групата поврзана со Иран изврши бројни напади врз бродови во Црвеното Море од 2023 година, таргетирајќи ги оние за кои верува дека се поврзани со Израел. Ги опишува нападите како знак на солидарност со Палестинците околу војната на Израел во Газа.
Портпарол на војската на Хутите изјави дека нападот во понеделник бил извршен со крстосувачка ракета. „Минерваграхт“ пловел покрај брегот на Џибути во времето на нападот со 19 членови на екипажот и без товар, објави холандската компанија „Сплитхоф“, со седиште во Амстердам.
لحظة استهداف سفينة الشحن الهولندية (MV Minervagracht) من قبل انصار الله رجال اليمن في خليج عدن اليوم كانت متجهة للكيان الاسرائليي#اليمن #اليمن_مع_غزة_حتى_النصر #الامارات #الدوحة pic.twitter.com/NCLYCSVYA5
— علي السومري (@AlSumeria) September 29, 2025
„Минерваграхт е значително оштетен“, соопшти компанијата, додавајќи дека екипажот е безбеден и дека работи со меѓународни експерти и власти за да го спаси бродот.
Поголемиот дел од екипажот, вклучувајќи го и еден од повредените морнари кој е во стабилна состојба, беа префрлени на грчка и француска фрегата, соопшти поморската мисија на Европската Унија „Аспидес“.
Друг член на екипажот, кој беше сериозно повреден, беше префрлен со хеликоптер во Џибути. Јеменското движење соопшти дека го нападнало „Минерваграхт“ бидејќи неговиот сопственик ја прекршил „забраната за влез во пристаништата во окупирана Палестина“.
Ова беше првиот напад на Хутите врз комерцијален брод од 1 септември, кога тие го нападнаа израелскиот танкер „Скарлет Реј“ во близина на саудиското пристаниште Јанбу на Црвеното Море.
Во јули, Хутите го нападнаа и потопија товарниот брод „Меџик Сис“ и товарниот брод „Етернити Ц“ во Црвеното Море.
Регион
Пукањето во Белград на само 300 метри од куќата на Мирослав Илиќ, пејачот се огласи: „Боже господе, што се случува“

Во пукањето во Вишњичка бања се повредени пет лица, меѓу нив и една жена за чијшто живот се борат лекарите.
Според неофицијални информации, на пукањето му претходела тепачка, а сè се случило на нешто повеќе од 300 метри од куќата на познатиот пејач на народна музика, Мирослав Илиќ, пишува „Блиц“.
Илиќ по повод настанот се огласи за домашните медиуми.
„Живеам во мирна улица, во мирен крај. Чувај Боже што се случува. Не сум гледал вести и не сакам да знам“, изјави Мирослав за Телеграф.
Иако првичните информации укажуваа дека една жена починала, докторите во Ургентниот центар успеале да ја оживеат.
Неофицијално, повеќе вооружени лица излегле од бело комбе и почнале да пукаат. Овие информации засега не се официјално потврдени, а во тек е полициска потера по напаѓачите.
Очевидци опишале дека од белото комбе излегле неколку лица и почнале да пукаат насекаде.