Свет
Силен дожд создаде езеро среде Сахара: необична глетка ја обиколи планетата

Најголемата пустина во светот, Сахара, позната по сушните услови, моментно е под силен дожд, кој не престанува да врне од средата, и тоа во северозападна Африка.
Дождот продолжи да паѓа во регионот до четвртокот, а радарите предвидуваат дека ќе продолжи и денеска.
Количината дожд варира од слаб до силен, според радарот.
Zoom Earth сподели видео од движењето на тропскиот бран, кој често се развива во ураган, покривајќи ја Сахара. Исто така, во својата анализа тие ги поврзаа врнежите со малиот број урагани на Атлантскиот Океан, што ги погодија САД оваа година.
„Тропските бранови, кои често се развиваат во урагани, не се појавија толку силно од централна Африка. Еден клучен фактор во формирањето на тропските бранови е интертропската зона на конвергенција. Таа се преселила понасевер од вообичаеното. Ова, во комбинација со рекордно позитивна северноатлантска осцилација (NAO), ги промени временските шеми во Атлантикот и Африка“, според Zoom Earth.
Оваа промена предизвика повеќе дождови во делови од светот, кои вообичаено не добиваат толку големи количини врнежи, како што се пустините Сахел и Сахара.
Наврна толку многу дожд, така што се формира огромно езеро, што е необична глетка, а фотографијата од ова ја обиколи целата планета и ги шокира сите што ја видоа бидејќи се знае дека во Сахара обично нема дожд, тоа се случува еднаш во една деценија, стои во написите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.
Свет
(Видео) Севиља на удар: силниот ветер срамни фарма, три тела извлечени од урнатините

Најмалку три лица загинаа при уривање на магацин на фарма во близина на Севиља, а властите истражуваат дали колапсот е предизвикан од торнадо, пренесува Ефе.
Heavy rainfall causes floods in Seville, Spain 🇪🇸 (04.04.2025) pic.twitter.com/QOQBN6A3k1
— Disaster News (@Top_Disaster) April 4, 2025
Неименуваниот граѓанин кој алармирал во повикот објаснил дека ветрот го однел покривот и дека биле зафатени ѕидовите, а во последните неколку часа во околината на Севиља се забележани силни ветрови и врнежи.
Меѓу жртвите има двајца браќа на возраст од 61 и 59 години, како и еден 40-годишен маж.