Свет
Силно невреме ја погоди Австралија, има загинати, училиштата затворени

Една жена загина, училиштата беа затворени, а десетици илјади луѓе останаа без струја во понеделникот поради невремето што ја погоди Австралија.
Полицијата соопшти дека 63-годишна жена загинала кога дрво паднало врз кабина во југозападниот дел на земјата.
Деструктивните ветрови со брзина од повеќе од 110 километри на час го погодија регионот оставајќи околу 150.000 луѓе без струја, пренесува АФП.
Премиерот на Викторија предупреди дека ќе бидат потребни и до три дена за да се решат проблемите со прекинот на струја.
„Има области во кои условите сè уште се премногу опасни за да се реши проблемот“, рече Јасинта Ален.
Во меѓувреме, крајбрежните области се погодени од плимата – во некои случаи голтајќи песочни дини.
Луѓето се предупредуваат да избегнуваат непотребно патување, а некои училишта се затворени.
Властите во Нов Јужен Велс се загрижени дека ветровите ќе ја зголемат опасноста од пожари, а многу области се во состојба на готовност.
Инспекторот на руралната противпожарна служба на Нов Јужен Велс, Бен Шеферд, предупреди дека Сиднеј и околните области ќе имаат најголема опасност од пожар.
Кристи Џонсон од Бирото за метеорологија рече дека низата студени фронтови што ја зафатија југоисточна Австралија предизвикаа штети на деструктивни ветрови.
Џонсон предупреди дека новите студени фронтови ќе ја зафатат земјата подоцна во текот на неделата, но не очекува условите да бидат толку екстремни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Дванаесет американски држави го тужат Трамп поради царините

Дванаесет американски сојузни држави поднесоа тужба до американскиот суд за меѓународна трговија во Њујорк против царинската политика на претседателот Доналд Трамп.
Во тужбата се наведува дека трговската политика на Соединетите држави сега зависи од каприците на претседателот, наместо од совесното практикување на неговите законски овластувања.
Тужителите тврдат дека, според Уставот на САД, само Конгресот има моќ да наметнува даноци и тарифи, а не претседателот.
Откако ја презеде функцијата, Трамп најави серија на далекусежни увозни тарифи кои ги доведоа берзите и финансиските пазари во превирања.
На почетокот на април, тој објави дека САД ќе воведат сеопфатни тарифи од најмалку 10 отсто за целиот увоз во земјата, плус дополнителни давачки за голем број трговски партнери.
Иако многу од планираните царини се суспендирани на 90 дена за да се овозможат трговски разговори, специјалните царини до 145 отсто остануваат во сила за кинеските стоки. Пекинг возврати со царини до 125 отсто за американските производи.
Тужбата ја поднесоа сојузните држави Орегон, Колорадо, Конектикат, Делавер, Илиноис, Мејн, Минесота, Њу Мексико, Њујорк и Вермонт, кои имаат демократски гувернери, како и републиканските држави Аризона и Невада.
Тужителите бараат од судот да ги укине тарифите, со образложение дека „Претседателот нема овластување произволно да наметнува тарифи како што направи овде“.
Минатата недела, сојузната држава Калифорнија поднесе посебна тужба против далекусежните специјални царини на Трамп пред федералниот суд.
Според Меѓународниот монетарен фонд (ММФ), сеопфатните американски царини и соодветните одмазднички мерки доведуваат до пораст на глобалниот јавен долг.
Самите САД исто така ги трпат последиците од потезите на Трамп.
Свет
(Видео) Трамп до американски ветеран без нозе: Значи те погодија, прекрасно

Американскиот претседател Доналд Трамп вчера во Овалната соба се сретна со група ранети американски ветерани, каде потпиша голем број нови уредби, вклучително и иницијативи во областа на образованието. За време на состанокот, Трамп ја истакна важноста на ветераните за американското општество, нарекувајќи ги „најважната група на луѓе во оваа соба“ и ветувајќи дека „ќе бидат навистина добро згрижени“.
What do you do when you’re the Commander-in-Chief and a wounded veteran wants you to sign his leg?
Well, of course you oblige.
And President @realDonaldTrump did it right over the “Let’s Go Brandon” image of Biden! pic.twitter.com/ywPGCSu5iT
— Sebastian Gorka DrG (@SebGorka) April 24, 2025
Средбата ја одбележа и моментот кога американскиот претседател на инвалидската количка на еден од ветераните забележа налепница „Let’s Go Brandon“, што предизвика смеа кај присутните, пишува Фокс Њуз. Ветеранот објасни дека налепницата го прикажува поранешниот американски претседател Џо Бајден, на што Трамп низ смеа одговори: „Кој е тој на сликата? Тоа е одлично“.
Трамп им се заблагодари на ветераните и нивните семејства за нивната жртва, истакнувајќи дека за време на неговиот прв мандат често ги посетувал ранетите војници во болниците.
Trump to wounded soldiers: "So you guys got hit, huh? Pretty good. You got hit. Amazing." pic.twitter.com/e1UK0G0G5a
— Aaron Rupar (@atrupar) April 23, 2025
Зборувајќи со ветераните кои ги загубија нозете, Трамп рече дека е „одлично“. „Значи, те погодија? Прилично добро. Те погодија. Прекрасно“.
Регион
Вучиќ оди во Русија на прославата на Денот на победата, ќе се сретне со Путин

Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.