Свет
Сите Американци да го напуштат Либан – итен повик од Стејт департментот
Стејт департментот ги повика американските граѓани во Либан веднаш да ја напуштат земјата, додека се уште се достапни комерцијални летови, поради непредвидливата безбедносна ситуација,
Предупредуваат дека летовите за евакуација со помош на американската војска веројатно нема да бидат можни.
„Треба да имате план за акција за кризни ситуации што не се потпира на помошта на американската влада. Најдобро време за напуштање на земјата е пред криза, ако воопшто е можно”, се вели во соопштението.
„Ретко се случува евакуација на државјани на странски земји со помош на американската војска. Нема гаранција дека американската влада ќе ги евакуира граѓаните на САД и членовите на нивните семејства во кризна ситуација. Во случај да дојде до евакуација со помош на американската војска, нашиот фокус ќе биде да им помогнеме на граѓаните на САД”, кажа Стејт департментот.
Во соопштението пишува дека американската влада генерално не може да обезбеди превоз во земјата за време на криза.
„Нема да можете да носите домашни миленици со себе при каква било евакуација спроведена од страна на американската војска од Либан. Ќе мора да потпишете дека ќе и ги надоместите на американската влада трошоците направени во случај на асистирана евакуација“, се вели во дописот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гроси: Смртта на Раиси предизвика пауза во преговорите меѓу МААЕ и Иран
Смртта на иранскиот претседател Ебрахим Раиси и министерот за надворешни работи, Хосеин Амир Абдолахијан, во хеликоптерска несреќа предизвика пауза во преговорите меѓу Техеран и Меѓународната агенција за нуклеарна енергија (МААЕ), изјави директорот на агенцијата на ОН, Рафаел Гроси.
Во Хелсинки, каде што зборуваше денеска на нуклеарната конференција, тој објасни дека Иран е во период на жалост и дека кога ќе помине, повторно ќе се ангажира, пренесува „Ројтерс“.
Гроси рече дека МААЕ планира да ги продолжи техничките разговори со Иран, но дека тие сè уште не се одржани поради хеликоптерската несреќа минатата недела, во која загинаа претседателот Раиси и министерот за надворешни работи, Абдолахијан.
Свет
Џанг Жан ослободена од затвор, осудена за известување за епидемијата во Вухан
Кинеска новинарка Џанг Жан, која беше осудена во Кина за известување за епидемијата на Ковид-19 во Вухан, е ослободена од затвор по издржување четиригодишна затворска казна, објавија светските медиуми.
Џанг е осудена на четири години затвор под обвинение за „поттикнување кавги и предизвикување проблеми“, пренесува АП.
Меѓутоа, на денот на нејзиното ослободување нејзините поранешни адвокати не можеле да дојдат до неа или до нејзиното семејство бидејќи, како што наведува американската агенција, „полицијата во Шангај ги посетила активистите и нејзините поранешни адвокати во деновите пред нејзиното ослободување“.
Свет
Пресметка на суперсилите во вселената: САД ја обвинуваат Русија за испраќање офанзивно оружје во вселената, Москва ги отфрла тврдењата
Вашингтон ја обвини Москва дека лансирала сателит за кој американското разузнавање верува дека е оружје способно да следи и да напаѓа други сателити, тврдење што Русија денеска го отфрли како лажно.
Американската вселенска команда во вторникот соопшти дека Русија лансирала антисателитско оружје во исто време кога САД лансирале нов сателит во ниската орбита, пренесува „Ројтерс“.
Претходно овој месец, САД укажаа на лансирањето на ракетата „Сојуз“, која наводно носела најмалку девет сателити вклучувајќи го и COSMOS 2576, тип на руско надзорно вселенско летало од руската локација за лансирање Плесец.