Свет
Сијарто: Западните лидери не можат да си дозволат јавно да кажат дека руската вакцина е најефикасна
Унгарскиот министер за надворешни работи Петер Сијарто за „Раша Тудеј“ изјави дека е фрустриран од западните лидери.
Како што вели, тие политички си поигруваат со руската вакцина Спутник В.
Тој е убеден дека овие лидери не можат да си дозволат јавно да признаат дека руската вакцина е најдобрата.
Европската агенција за лекови (ЕМА) ги одобри вакцините Фајзер, Модерна, Астра Зенека и Џонсон, но рускиот Спутник В се уште чека одобрување и покрај фактот што веќе се користи во 70 земји во светот.
За Унгарците вакцинирани со Спутник В тоа значи дека не можат да добијат дигитален ЕУ-сертификат за ковид.
„Ова е многу фрустрирачко за мене“, изјави Сијарто за Раша Тудеј, истакнувајќи дека според регулативите на ЕУ, ЕМА или владите на државите членки можат да одобруваат вакцини, како што направи унгарската влада со Спутник В.
„Не разбираме зошто ова одобрение не го почитуваат другите земји-членки“, додаде тој.
„Запоставувањето на Спутник В од страна на ЕУ е повеќе прашање на политика отколку на ефикасност“, рече тој.
„Секогаш кога разговарам со моите колеги од Западна Европа, тие секогаш ми велат дека се свесни дека руските научни достигнувања се на добар глас. Приватно, сите го кажуваат тоа, но кога излегуваат во јавноста, секој зборува поинаку. Истражување објавено во медицинскиот списание The Lancet и компаративните студии од Унгарија објавени оваа недела покажуваат дека руската вакцина е најефикасна од сите пет вакцини во спречувањето на смртта од Ковид. Таа е втора најефикасна во спречувањето на самата инфекција, по американската Модерна“, наведува Раша Тудеј.
И Сијарто ја избрал руската вакцина.
„Причината зошто бев вакциниран со Спутник е едноставна. Кога бев дете, бев вакциниран со советски вакцини. Бидејќи сè уште сум жив и здрав, решив дека нема потреба од промени”, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.