Свет
Си-ен-ен: Израел подготвува голем напад врз иранските нуклеарни постројки
Соединетите Американски Држави добија нови разузнавачки информации кои сугерираат дека Израел се подготвува за напад врз нуклеарните постројки на Иран, дури и кога администрацијата на Трамп се обидува да постигне дипломатски договор со Техеран, изјавија за Си-ен-ен повеќе американски претставници информирани за најновите разузнавачки информации.
„Тоа би било дрско кршење на политиката на Доналд Трамп“
Таквиот напад би бил дрско кршење на политиката на претседателот Доналд Трамп, изјавија американски претставници. Тоа би можело да доведе и до поширок регионален конфликт на Блискиот Исток, нешто што САД се обидуваат да го избегнат откако војната во Газа на почетокот на 2023 година ги зголеми тензиите.
Официјалните лица предупредуваат дека не е јасно дали израелските лидери донеле конечна одлука и дека постојат длабоки несогласувања во рамките на американската влада околу веројатноста Израел всушност да дејствува. Дали и како ќе дејствува Израел веројатно ќе зависи од тоа што мисли за преговорите на САД со Техеран околу неговата нуклеарна програма.
Но, „шансата Израел да нападне ирански нуклеарен објект значително се зголеми во последните месеци“, рече друг извор запознаен со американските разузнавачки служби. „И можноста Трамп да преговара за договор меѓу САД и Иран што нема да ги отстрани сите залихи на ураниум на Иран го прави нападот поверојатен.“
Пресретнати комуникации на израелски функционери
Зголемената загриженост произлегува не само од јавните и приватните пораки од високи израелски функционери дека размислуваат за таков потег, туку и од пресретнатите израелски комуникации и набљудувањата на движењата на израелската војска што би можеле да укажат на непосреден напад, велат повеќе извори запознаени со разузнавањето.
Меѓу воените подготовки што САД ги забележаа се преместувањето на воздушното оружје и завршувањето на воздушната вежба, изјавија два извора.
Но, истите тие индикатори би можеле едноставно да значат дека Израел се обидува да изврши притисок врз Иран да се откаже од клучните елементи од својата нуклеарна програма, сигнализирајќи ги последиците ако не го стори тоа, нагласувајќи ги постојано менувачките сложености со кои се соочува Белата куќа.
Си-ен-ен побара коментар од Советот за национална безбедност и од Кабинетот на израелскиот премиер. Израелската амбасада во Вашингтон не ги коментираше овие обвинувања.
Трамп јавно му се закани на Иран.
Трамп јавно се закани со воена акција против Иран доколку напорите на неговата администрација да преговара за нов нуклеарен договор со Техеран не успеат. Но, Трамп, исто така, постави временско ограничување за дипломатските напори на САД.
Во писмо до врховниот лидер на Иран, ајатолахот Али Хамнеи, кон средината на март, Трамп даде рок од 60 дена за тие напори да успеат, според извор запознаен со комуникацијата. Оттогаш, поминаа повеќе од 60 дена откако беше доставено писмото и 38 дена од почетокот на првата рунда преговори.
Висок западен дипломат кој се сретна со претседателот претходно овој месец изјави дека Трамп рекол дека САД ќе им дадат на разговорите само неколку недели за да успеат пред да прибегнат кон воени напади. Но, засега, политиката на Белата куќа е сè уште фокусирана на дипломатијата.
Премиерот Бенјамин Нетанјаху е под притисок да го спречи договорот меѓу САД и Иран, кој Израел не го смета за задоволителен, а во исто време не сака да го оддалечи Трамп, кој веќе се раздели со израелскиот премиер околу клучните безбедносни прашања во регионот.
„На крајот на краиштата, донесувањето одлуки во Израел ќе се базира на американските политички одлуки и дејствија и на тоа какви договори претседателот Трамп склучува или не склучува со Иран“, рече Џонатан Паникоф, поранешен висок разузнавачки службеник специјализиран за регионот, кој додаде дека не верува оти Нетанјаху би бил спремен да ризикува целосен прекин на односите со САД со започнување напад без барем премолчено американско одобрение.
Иран е во најслаба состојба во последните децении
Иран се наоѓа во најслабата воена позиција во последниве децении, откако Израел ги бомбардираше неговите погони за производство на ракети и системи за воздушна одбрана во октомври, а неговата економија е ослабена од санкциите и уништувањето на неговите најмоќни регионални сојузници од страна на Израел. Израел, велат американските претставници, гледа можност.
САД го засилуваат собирањето разузнавачки информации за да бидат подготвени да помогнат доколку израелските лидери одлучат да нападнат, изјави за Си-ен-ен висок американски функционер. Но, извор запознаен со размислувањето на администрацијата на Трамп изјави за Си-Ен-Ен дека е малку веројатно САД да му помогнат на Израел да изврши напад врз нуклеарните постројки на Иран во овој момент, освен ако Техеран не направи голема провокација.
Израел нема капацитет да ја уништи нуклеарната програма на Иран без помош од САД, вклучително и полнењето гориво од воздух и бомбите потребни за пробивање на длабоко закопани објекти, што е забележано и во претходните извештаи на американските разузнавачки служби, според извор запознаен со ова прашање.
Израелски извор за Си-ен-ен изјави дека Израел би бил подготвен сам да преземе воена акција доколку САД преговараат за она што изворот го опиша како „лош договор“ со Иран што Израел не може да го прифати.
„Мислам дека е поголема веројатноста да нападнат за да се обидат да го попречат договорот ако мислат дека Трамп ќе се согласи на ‘лош договор’“, рече друг извор запознаен со проценката на американските разузнавачки служби. „Израелците не се срамеа да ни го сигнализираат ова… и јавно и приватно.“
Проценка на американските разузнавачки служби во февруари сугерираше дека Израел би можел да користи воени авиони или ракети со долг дострел за да ја искористи ослабената воздушна одбрана на Иран, претходно објави Си-ен-ен.
Но, истата проценка, исто така, опишува како ваквите напади само минимално би ја попречиле нуклеарната програма на Иран и нема да претставуваат конечно решение.
„Тоа е вистински предизвик за Нетанјаху“, рече Паникоф.
Преговорите на САД со Иран се заглавени
Засега, преговорите на САД со Иран се заглавени поради барањето Техеран да не збогатува ураниум, процес што може да овозможи производство на оружје, но е потребен и за производство на нуклеарна енергија за цивилни цели.
Специјалниот претставник Стив Виткоф, кој ја предводи американската делегација, за време на викендот за „Еј-би-си Њуз“ изјави дека Вашингтон „не може да дозволи ниту 1% капацитет за збогатување“ според договорот. „Доставивме предлог до Иранците за кој сметаме дека се однесува на дел од тоа без да ги навредиме“, рече тој.
Хамнеи во вторникот изјави дека не очекува преговорите со САД за нуклеарната програма на Техеран „да доведат до заклучок“, нарекувајќи го американското барање Иран да не збогатува ураниум „голема грешка“. Иран инсистира дека има право на збогатување според Договорот на Обединетите нации за неширење на нуклеарно оружје и вели дека нема да се откаже од тоа право под никакви околности.
Според Виткоф, нова рунда преговори би можела да се одржи во Европа оваа недела. И САД и Иран доставија предлози, но по повеќе од еден месец разговори со посредство на Оман, во моментов нема американски предлог со одобрение од Трамп, велат изворите.
Американските разузнавачки агенции издадоа предупредувања во февруари дека Израел веројатно ќе се обиде да нападне клучни објекти во нуклеарната програма на Иран оваа година, претходно објави Си-ен-ен. „Ставот на Израел доследно е дека воената опција е единствената опција за запирање на воената нуклеарна програма на Иран“, забележа еден американски функционер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американски напад врз Сирија, загинаа припадници на Исламска држава
Најмалку пет припадници на Исламска држава загинаа во синоќешните американски напади врз цели на ИД во Сирија, соопшти Сирискиот центар за набљудување на човековите права, со седиште во Лондон.
– Помеѓу загинатите е и „водачот на ќелија“, задолжен за беспилотни летала. Тие се убиени во покраината Деир ез Зор, изјави претставникот на Сирискиот центар, Рами Абдел Рахман.
САД синоќа соопштија дека погодиле повеќе од 70 цели во неколку области на Сирија. Според неименуван безбедносен извор нападите биле насочени кон ќелиите на ИД во покраините Хомс, Деир ез Зор и Рака.
Претседателот на САД, Доналд Трап на сопствената платформа „Трут соушл“ (Truth Social), откако Пентагон соопшти за операцијата против Исламска држава, објави – „Напаѓаме многу силно против бастионите на ИД“.
Американската армија изврши „масовен напад“ врз цели поврзани со ИД во Сирија, како одговор на смртоносниот напад врз американските сили. На 13 декември во пустинска област во централната сириска покраина Хомс загинаа двајца американски војници и еден цивилен преведувач. Вашингтон за нападот ја обвини џихадистичката група, но ИД не презеде одговорноста за нападот.
Целта на операцијата, според Вашингтон, е да се ослабат капацитетите на ИД за понатамошно дејствување и да се спречат напади врз американскиот персонал во Сирија. Во Сирија распоредени се околу 1.000 американски војници.
Американскиот секретар за одбрана Пит Хегсет изјави дека операцијата „Хајкај страјк“ (Hawkeye Strike) е насочена кон елиминација на „борци, инфраструктура и локации со оружје“ на ИД. Тој посочи дека метите се избрани за да се погодат клучните ресурси на ИД, вклучително и оперативните капацитети и логистичка поддршка.
– Ова не е почеток на војна – ова е декларација за одмазда. Денеска ги гоневме и убивме нашите непријатели. Многу од нив. И ќе продолжиме да го правиме тоа, наведе Хегсет на социјалните мрежи.
Изминатите месеци Коалицијата предводена од САД против ИД изврши неколку воздушни напади и копнени операции во Сирија, насочени кон осомничени членови на терористичката организација. Во операциите беа вклучени и припадници на сириските безбедносни сили.
Свет
Европските компании за работа се повеќе ангажираат лица од странство
Европските компании за извршување на своите деловни активности многу често делумно или целосно ангажираат надворешни лица или партнери лоцирани во странство, се наведува истражувањето насловено „Глобални вредносни синџири“.
Во него се посочува дека во периодот од 2021 до 2024 година ваквата пракса, позната како „аутсорсинг“, ја користеле 72,8 отсто од европските претпријатија, кои пренесувале некои од своите деловни функции на субјекти во други земји од Унијата, но и надвор од неа и тоа најмногу во Индија (18,6 проценти) и во Велика Британија (17,1 отсто).
Ангажирањето „аутосорсинг“, според истражувањето, се практикувало за извршување на најразлични задачи, од ракување со операции, па до производство на стоки, кои дотогаш традиционално ги вршеле вработените во самите компании.
Ова, според истражувањето, се прави за да се намалат трошоците на компаниите, да се подобри нивната ефикасност, но и да можат да се фокусираат на други задачи и обврски.
Како главна парична за практикувањето на „аутсорсингот“, компаниите опфатени со истражувањето ги навеле намалување на трошоците за работна сила и тоа 34,1 отсто од нив, по што следува намалување на останатите производни трошоци со 27,8 проценти и фокусирањето на нивната основна дејност со 20,3 отсто.
Кога станува збор за работните процеси што се пренесуваат на субјекти во странство, во 47,4 отсто случаи тоа се административните и управувачките функции, по што следуваат информатичко-комуникациските услуги со 28,7 проценти.
Компаниите опфатени со истражувањето во периодот на кој се однесува анализата ангажирале 52.853 работници во странство, поради што биле укинати 152.023 работни места во нивните матични држави или 0,22 проценти од нивниот вкупен број.
Над една третина од изгубените работни места или 53.577 биле во производниот сектор, по што следуваат 33.818 во административно-управната сфера.
Меѓутоа, изразено во проценти, стапката на загубени работни места е највисока во областа на информатичко-комуникациските услуги и тоа 0,46 отсто, пред секторот на истражување и развој со 0,37 проценти.
Во анализата се оценува дека иако станува збор за прилично мали бројки на загубени работните места, сепак на долг рок не би требало да се занемари нивниот кумулативен ефект.
Со истражувањето биле опфатени компании од 22 земји членки на ЕУ и од Норвешка.
Свет
Москва му одговори на Макрон: Разговори – да, но со љубезни и пристојни луѓе
Рускиот министер за надворешни работи Сергеј Лавров изјави дека Владимир Путин е подготвен за разговори, но само со „љубезни и пристојни луѓе“, одговарајќи на изјавите на францускиот претседател за потребата од дијалог со Москва.
„Нашиот претседател повеќепати истакнуваше дека секогаш е отворен за контакт, но со разбирање дека тоа ќе бидат љубезни луѓе со одредено основно ниво на пристојност“, изјави Лавров, потсетувајќи на острите изјави на Емануел Макрон, кој претходно ја нарече Русија, а лично и Путин, „единствениот злосторник“ во сегашниот конфликт.
Лавров претходно изјави и дека лидерите на Европската Унија се однесуваат непристојно, обидувајќи се да им диктираат на Кина и Индија дали треба да одржуваат контакти со Русија. Тој нагласи дека Москва го почитува правото на сите држави самостојно да ги одредуваат своите партнери, што, како што рече, е целосно во согласност со принципите на суверена еднаквост од Повелбата на Обединетите нации.
Францускиот претседател Емануел Макрон изјави дека дошло време тој и европските лидери повторно да воспостават дијалог со рускиот претседател Владимир Путин, пишува весникот „Фигаро“.
Фото: Depositphotos
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Објавена нова снимка од нападот во Сиднеј: полицаец спречил масакр од 45 метри
Австралиските медиуми го идентификуваа полицаецот кој го спречи смртоносниот антисемитски напад на плажата Бонди како детективот Сезар Бараза. Новообјавените видеа...
(Видео) Осомничениот за масовното пукање на Универзитетот „Браун“ пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
Трамп ја прогласи марихуаната за помалку опасна дрога
Американскиот претседател Доналд Трамп потпиша извршна наредба со која марихуаната на федерално ниво се класифицира како помалку опасна дрога, во...
ЕУ, конечно, постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди...
(Видео) Приватен авион се урна во Северна Каролина, повеќе загинати
Повеќе луѓе загинаа откако приватен авион Цесна С550 поврзан со возачот на НАСКАР, Грег Бифл, се урна во близина на...
