Свет
Си Џинпинг доживотен претседател на Кина, Конгресот ги усвои уставните измени
Кина го одобри отстранувањето на границата на мандатот на претседателот на државата, потег што му овозможува на Си Џинпинг да остане како претседател доживотно, објави Би-Би-Си.
Уставните измени беа усвоени од страна на Националниот народен конгрес на Кина. Двајца делегати гласаа против промената, а тројца беа воздржани, од вкупно 2.964 гласови.
Од 1990-тите години досега, претседателот на Кина имаше лимит од два мандата.
Си, кој требаше да се повлече во 2023 година, се спротивстави на традицијата за презентирање на потенцијален наследник за време на Конгресот на Комунистичката партија во октомври.
Наместо тоа, ја консолидира својата политичка моќ додека партијата гласаше да го зачува неговото име и политичка идеологија во уставот на партијата – го подигна својот статус до нивото на својот основач, претседателот Мао.
На хартија, конгресот е најмоќното законодавно тело во Кина, слично на парламентот во другите земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.