Свет
Складиште за нафта во Русија погодено од дрон, воздушниот сообраќај над Москва затворен

Русија објави дека спречила координиран украински напад на Крим рано утринава, украинските беспилотни летала исто така ја нападнале Москва, што го наруши воздушниот сообраќај во главниот град, а напад со дрон предизвика пожар во складиште за нафта во југозападниот дел на земјата.
Во последните денови, Украина започна серија напади врз руски воени цели во окупираниот Крим и врз Црноморската флота на руската морнарица, со цел да ги поткопа воените напори на Москва во тој клучен регион.
Нападите длабоко во територијата на Русија, далеку од првите линии на фронтот, исто така се зголемени, при што градоначалникот на Москва изјави дека најмалку два дрона биле соборени во регионот на главниот град рано утринава.
Во московската област, едно беспилотно летало е уништено над областа Истра, а друго над областа Раменски, објави на Телеграм градоначалникот на Москва Сергеј Собјанин, додавајќи дека нема жртви или штета од остатоците од дронот.
Најмалку 30 летови беа одложени, а шест откажани на главните аеродроми во Москва, објавија руските државни новински агенции, што е вообичаен потег на воздухопловните власти за време на напади со беспилотни летала.
Во југозападна Русија, украинско беспилотно летало оштети складиште за нафта рано утрово, предизвикувајќи пожар во резервоарот за гориво кој подоцна беше изгаснат, изјави регионалниот гувернер. „Нема жртви, сите служби за итни случаи работат во реонот на објектот“, изјави на Телеграм гувернерот на регионот Орјол, Андреј Кличков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Земјотресот во Мјанмар ослободил енергија еднаква на 334 атомски бомби

Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна на повеќе од 300 експлозии на атомски бомби, изјави геологот Џес Феникс за Си-Ен-Ен.
Таа, исто така, предупреди дека последователните потреси би можеле да продолжат со месеци.
„Моќта ослободена од ваков земјотрес е околу 334 атомски бомби“, рече Феникс.
MASSIVE ground rupture/crack has appeared in Myittha, Mandalay Region, following the powerful M7.7 earthquake in Myanmar 😱👀 pic.twitter.com/vFlPet0XPH
— Volcaholic 🌋 (@volcaholic1) March 28, 2025
Таа објасни дека потресите ќе продолжат бидејќи индиската тектонска плоча сè уште се спушта под евроазиската плоча во областа Мјанмар.
Феникс додаде дека размерите на уништувањето дополнително ќе се влошат со граѓанската војна во земјата.
Во земјотресот загинаа над 1.000 луѓе.
Регион
Драма на небото над Хрватска: авион полета за Фанкфурт, па се врати назад за 20 минути

Авион на „Кроација ерлајнс“ кој утринава полета од Загреб за Франкфурт се врати на аеродромот „Фрањо Туѓман“ по само 20 минути лет, јавуваат патниците.
Авионот морал да се врати поради технички проблеми.
„Мала техничка неисправност. Сега седиме во авион во Загреб“, вели патникот, пренесе „Вечерњи“.
Како што се додава станува збор за авион „Даш 8“, кој е дел од националниот превозник од 2008 година, што значи дека лета веќе 17 години.
За таков модел, тоа е приближно две третини од работниот век, што во Европа е во просек 25 години.
Авионот е еден од петте вакви турбопромотори што ги има Хрватска во својата флота, 9A-CQA е најстар. Во последните седум дена имаше во просек по седум лета дневно.
Свет
(Видео) Жена се породи на улица, болницата евакуирана по силниот земјотрес

Жена се породи на улица во Бангкок вчера, откако болницата во која се наоѓала била евакуирана поради силниот земјотрес во Мјанмар.
Таа лежела на носилка, опкружена со медицински персонал кој и помогнал да се породи на отворено.
Поради земјотресот, евакуирани се повеќе болници.
Footage during the earthquake in #Bangkok a baby was born in the park 😭 Waht a story to tell ‘’ I was born during the earthquake ‘’ #แผ่นดินไหว #earthquake #myanmarearthquake #bangkokearthquake #ตึกถล่ม pic.twitter.com/7E0FdzfPEf
— Miia 🩵 (@i30199) March 28, 2025
Пациентите биле преместени во блискиот парк, вклучувајќи ги и оние на носилки и во инвалидски колички. Вработените во болницата продолжија да се грижат надвор, пред зградите на установата.
Земјотресот што го погоди Мјанмар беше еден од најразорните во последните сто години.
Според Геолошкиот институт на САД (USGS), епицентарот бил на 17 километри од Мандалеј. Бројот на загинати се искачи на повеќе од 1.000, а спасувачите се уште трагаат по преживеани под урнатините. Воената хунта прогласи вонредна состојба и повика на помош, додека ОН потврдија дека се во контакт со властите.