Европа
Снежните наноси предизвикаа големи проблеми во Австрија, Курц откажува средби
Силните врнежи од снег, кои без прекин траат од четвртокот, предизвикаа големи проблеми во многу делови на Австрија.
Во период на смена на туристите, кога голем дел од нив се враќаат од ски-центрите кон своите домови, но и голем број работници од странство кои за време на празниците се враќаат во родните земји во јужниот дел на Европа, патиштата се покриени со снег и мраз.
Автопатот Tauernautoban кој се наоѓа на територијата на Салцбург ќе биде привремено затворен, со цел да се изврши контролирана експлозија, со која ќе се отстрани опасноста од лавини, информирaа локалните власти.
Аеродромот во Инсбрук е речиси целосно затворен од саботата и летовите се откажани.
Поради големите снежни наноси многу планински места се отсечени од остатокот од Австрија.
Опасност од лавини им се заканува на ски-центрите, а во Салцбург лавина веќе затрупала скијачи, кои за среќа преживеале.
Во местото Санкт Коломан градоначалникот Вили Валингер ги повика граѓаните да останат во своите домови, токму поради опасност од лавини.
И австрискиот канцелар Себастијан Курц на сопствена кожа ги почувствува проблемите поради снегот, информираат австриските медиуми. Тој во момендов одмара во еден од зимските туристички центри, а во саботата навечер планирал да учествува на партиски собир во близина на местото каде одмора, но морал да откаже поради непристапноста предизвикана од снежните наноси.
Канцеларот преку „Фејсбук“ им се обратил на граѓаните, особено на оние кои несебично се ангажираат во помагање на луѓето чии домови се затрупани од снег и отсечени од остатокот на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.