Свет
Советникот на Зеленски: Можеме ли да кажеме дека соработката со САД е целосно обновена? Практично да

Михаил Подолијак, советник на украинскиот претседател Володимир Зеленски закучи дека соработката со САД е обновена.
„Можеме ли да кажеме дека соработката со САД е целосно обновена? Практично да. Слушнавме изјави дека се подготвени да продолжат да работат на р договор за минералните суровини, велејќи дека можат да се сретнат со нас на различни нивоа за да разговараат за деталите од преговорите за решавање на војната и така натаму“, рече тој, пренесоа украинските медиуми.
Подољак вели дека сето тоа е апсолутно конструктивна работа, иако додаде дека пред една недела многумина мислеле дека односите се одамна прекинати.
“Based on the fact that Russia is absolutely ‘pounding’ Ukraine on the battlefield right now, I am strongly considering large scale Banking Sanctions, Sanctions, and Tariffs on Russia until a Cease Fire and FINAL SETTLEMENT AGREEMENT ON PEACE IS REACHED. To Russia and Ukraine,… pic.twitter.com/kwrfbaQw4d
— President Donald J. Trump (@POTUS) March 7, 2025
Американскиот претседател Трамп претходно денес напиша дека размислува за воведување санкции и царини за Русија додека не се постигне прекин на огнот и мировен договор со Украина.
„Врз основа на фактот дека Русија апсолутно ја толчи Украина на бојното поле во моментов, јас силно размислувам за големи банкарски и други санкции и царини за Русија додека не се постигне прекин на огнот и конечен мировен договор“, напиша Трамп на својата социјална мрежа „Трут соушал“.
Тој ги повика Русија и Украина да седнат „веднаш на преговарачка маса, пред да биде предоцна“.
Предупредувањето на американскиот претседател дојде по жестоките напади на Русија низ Украина во раните утрински часови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Постигнат е договор за новата германска влада

Четириесет и пет дена по парламентарните избори во Германија, демохристијаните (ЦДУ/ЦСУ) и социјалдемократите (СПД) постигнаа договор за заеднички коалициски договор. Оваа среда во 15 часот раководството на двете партии ќе и се обрати на јавноста и ќе го презентира постигнатиот договор. Според пишувањата на германските медиуми, веќе е договорена поделбата на најважните министерства.
СПД на тој начин треба да ги преземе Министерството за финансии, Министерството за одбрана и Министерството за правда. Според весникот Билд, Министерството за внатрешни работи и Министерството за надворешни работи ќе им припаднат на демохристијаните, пренесува Дојче Веле.
Претходните денови најголем дел од преговорите беа за мигрантската политика, како и за даночните и пензиските прашања. Изминативе денови дел од претставниците на ЦДУ го предупредија лидерот на партијата Фридрих Мерц да не прави премногу отстапки на СПД, што може да ја загрози „промената на политичкиот курс“ најавена во кампањата.
ЦДУ на изборите на 23 февруари освои 28,5 отсто од гласовите и со тоа стана најсилната политичка сила, но сепак беше принудена да најде коалициски партнер за да обезбеди мнозинство во Бундестагот, стои во написите.
Свет
(Видео) Стаорци големи колку мачки се шетаат низ вториот по големина град во Велика Британија

Бирмингем, најпознат како центар на британската индустриска револуција во последниве години се соочува со финансиски тешкотии, а сега купишта вреќи со ѓубре се трупаат по улиците додека работниците од комуналните претпријатија штрајкуваат поради спорот со градскиот совет околу платата.
Според извештаите, градот се соочува со зголемување на наездата на стаорци како резултат на оваа ситуација, пренесува CNN.
Медиумите јавуваат дека низ градот шетаат стаорци со големина на мачки.
Свет
Кина одговори – ги зголемува царините за увоз од САД на 84 отсто

Кинеското Министерство за финансии денеска објави дека ги зголемува царините за увоз од САД од 34 на 84 отсто како одмазда за давачката што ја воведе Вашингтон на нејзиниот извоз.
Претходно денеска, портпаролот на кинеското Министерство за надворешни работи, Лин Џијан, изјави дека Кина ќе продолжи да презема решителни и силни мерки за заштита на своите легитимни права и интереси.
Тој посочи дека Кина нема да дозволи никој да го лиши кинескиот народ од своето легитимно право на развој, како и дека нема да дозволи штета на кинеските интереси, објави „Глобал тајмс“.
Денеска, стапија во сила новите царини што САД им ги воведуваат на земјите во светот, вклучително и онаа од 104 отсто за Кина.