Свет
Соседот на атентаторот на словачкиот премиер: Ми кажа зошто му се налутил

Неколку полицајци денеска застанаа на влезот од станот во кој живееше 71-годишниот поранешен чувар и поет Јурај Цинтула, осомничен дека пукал во словачкиот премиер Роберт Фицо.
„Шокиран сум. Тој беше љубезен, услужлив и мирен тип“, изјави неговиот долгогодишен сосед и пријател Мил Лудовит за британски „Гардијан“ стоејќи пред скромната сива станбена зграда, во која двајцата живееле 40 години.
Људовит рече дека последен пат го видел Цинтула во понеделникот и не забележал никакви промени кај него.
„Го познавам со децении. Ако нешто планирал, немало никакви знаци. Но, не можам да знам што имало во неговата глава“, рече тој.
Лудовит ги потврдил претходните медиумски извештаи дека Цинтула бил поранешен чувар, кој пишувал песни, пренесуваат локалните медиуми.
На видео објавено на „Фејсбук“, човекот за кој „Ројтерс“ потврди дека е напаѓачот, се гледа како вели: „Не се согласувам со политиката на владата“.
Људовит рече дека двајцата повремено разговарале за политика и дека Цинтула изразувал лутина поради, како што сметал, зголемените напади врз слободата на говор под водство на Фицо.
„Но, никогаш не би помислил дека тој е способен за такви постапки. Никогаш не зборуваше за насилство“, рекол соседот, а потоа додал: „Немам објаснување зошто го направи она што го направил“.
Министерот за внатрешни работи го опиша пукањето како политички мотивиран обид за атентат. На атентаторот му се заканува од 25 години затвор до доживотна затворска казна. Министерот потврди и дека атентаторот дејствувал сам и претходно учествувал во антивладини протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави Скај њуз.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин во Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа, игнорирајќи ги прашањата од новинарите, пред да влезат внатре, објави Скај њуз.
фото: принтскрин
Европа
(Видео) Балон на топол воздух се урна во Холандија: еден загинат, петмина повредени

Едно лице загина, а петмина се повредени откако балон на топол воздух се урна на ливада во северната холандска покраина Фрисланд доцна синоќа, соопштија локалните власти. Балонот превезувал 34 патници
„Балонот на топол воздух одеднаш падна околу 21 часот и силно удри во земјата“, соопштија властите на Фрисланд, додавајќи дека полицијата започнала истрага за несреќата.
Портпаролот на Кралското холандско воздухопловно здружение изјави за локалните медиуми дека ненадеен налет на ветер предизвикал балонот силно да удри во земјата, предизвикувајќи корпата да отскокне, исфрлајќи пет лица од него.
Европа
(Видео) Силна експлозија во центарот на руски град, има повредени

Снимки од експлозиите во Ростов на Дон, град во јужна Русија, денес се шират на социјалните мрежи.
— 🪖MilitaryNewsUA🇺🇦 (@front_ukrainian) August 14, 2025
Според првичните извештаи, дел од покривот на станбена зграда наводно бил погоден од дрон, а експлозијата оштетила неколку балкони на горните катови.
❗️A powerful explosion was heard in the center of 🇷🇺Rostov pic.twitter.com/UAmLPjhCpC
— 🪖MilitaryNewsUA🇺🇦 (@front_ukrainian) August 14, 2025
Локалните медиуми објавија дека пет лица се повредени – тројца жители на зградата и двајца минувачи. Во градот на сила е тревога за воздушен напад.
фото: принтскрин