Свет
Состанок на НАТО по најавата на Трамп дека ќе ги повлече војниците од Германија
Министрите за одбрана на НАТО денеска почнуваат дводневни преговори со претседателот на САД, Доналд Трамп, кој најави дека драстично ќе го намали бројот на американски војници стационирани во Германија.
Главниот секретар на НАТО, Јенс Столтенберг, бара начин како да ја намали важноста на најавата, кој влијае на две членки на aлијансата, но се чини дека тоа ја засени самата видеоконференција.
На дневен ред е стратегијата на НАТО за превенција, поради зголемување на руската флота со модерни нуклеарни проектили.
„Неколку членки на НАТО исто така најавија засилени вложувања“, рекол Столтенберг.
Одбранбената алијанса, која ја чинат 30 членки, денеска исто така би требало да донесе оперативен план за случај на втор бран на коронавирус, како што дополни Столтенберг, да се обезбеди залихи од медицинска опрема и кризен фонд.
Трамп во понеделникот најави намалување на бројот на американски војници во Германија од 34.500 на 25.000, со што ги потврди претпоставувањата на медиумите. Тој го оправда својот чекор со замерките на сметка на Германија дека во полн обем не ги исполнува своите финансиски обврски кон НАТО.
Германскиот министер за надворешни работи, Хајко Мас, во Варшава нагласи дека американските трупи во Германија не се стационирани првенствено за да ја штитат Германија, туку да им служат на интересите на останатите членки на НАТО.
„Присуството на американските војници во Германија не е важно само за безбедноста на Гeрманија туку и за безбедноста на САД, а и за Европа“, рекол Мас.
Во Германија се наоѓаат некои од најважните воени бази на американската војска од кои координираат и водат воени акции на Блискиот и Среден Исток.
Според медиумите, Вашингтон најверојатно дел од војниците ќе премести и во Полска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
14-годишно момче нападнато од крокодил додека ловело риба во Австралија
Четиринаесетгодишно момче е хоспитализирано откако завчера попладне било нападнато од крокодил додека ловело риба на плажата Мјал во далечниот северен Квинсленд, Австралија. Тинејџерот претрпел повреди на ногата и торзото, но неговата состојба е стабилна, потврдија локалните власти, пишува Гардијан.
Инцидентот се случил во Кејп Трибулејшн, мала крајбрежна заедница 140 километри северно од Кернс. Според информациите од Министерството за животна средина, туризам, наука и иновации, момчето ловел риба во вода длабока до бутовите пред нападот.
„Службеник потврди дека раните се конзистентни со напад од крокодил“, изјави портпарол на одделот.
По нападот, тинејџерот бил пренесен во блискиот сместувачки капацитет, каде што гостите и локалното население му пружиле прва помош додека не пристигнале службите за итни случаи. Службениците на Министерството за животна средина веднаш започнале потрага по животното користејќи дронови и чамци со рефлектори, но крокодилот не бил пронајден. Поради инцидентот, на плажата се поставени дополнителни знаци за предупредување од крокодили, покрај веќе постоечките трајни ознаки на сите точки за пристап.
Нападот се случил на почетокот на годишната сезона на парење на крокодилите. Според официјалната веб-страница на Министерството за животна средина, мажјаците крокодили „стануваат особено дрски додека бараат партнер“ во овој период, што значително го зголемува ризикот од агресивно однесување. Во изминатиот месец, во областа Кејп Трибулејшн четири пати биле видени крокодили.
фото: принтскрин
Европа
(Видео) Украинците објавија снимка: „Уништивме моќен руски систем вреден 45 милиони долари“
Украинските сили успешно лоцираа и уништија еден од најнапредните руски противвоздушни ракетни системи, Бук-М3, чија вредност се проценува на 45 милиони долари. Веста беше објавена синоќа од копнените сили на украинската армија, пишува „Киев Индепендент“.
Fighters of the 15th Separate Artillery Brigade “Chornyi Lis” struck a Russian Buk-M3 air defense system with a combat drone.#Ukraine #BukM3 #UAF #ChornyiLis #DroneStrike #WarInUkraine pic.twitter.com/3vtBnJ47P5
— Chronicles (@chronicleslive) October 26, 2025
Според военото соопштение, прецизниот удар бил извршен на неодредена локација од страна на украинската бригада „Црна шума“. Бригадата, исто така, сподели видео од операцијата, но „Киев Индепендент“ не можеше независно да ги потврди тврдењата.
фото: принтскрин
Свет
Повеќе од 8.000 летови одложени во САД
Повеќе од 8.000 летови вчера беа одложени низ САД поради штрајковите на контролорите на летање поради буџетски проблеми бидејќи финансиската блокада на федералната влада влезе во својот 26-ти ден.
Министерот за транспорт на САД, Шон Дафи, изјави дека Федералната администрација за воздухопловство се соочува со проблеми со персоналот на 22 локации, додавајќи дека се очекува дополнителните штрајкови на контролорите да доведат до повеќе одложувања и откажувања во наредните денови.
Според FlightAware, веб-страница за следење на летови, имало повеќе од 8.000 одложувања на летови во САД до 23 часот по источно време, во споредба со околу 5.300 во саботата.
Доцнењата на летовите се над просекот од затворањето на владата на 1 октомври поради неуспехот да се постигне договор за финансирање на буџетот во Конгресот.
Се очекува околу 13.000 контролори на летање и околу 50.000 вработени во Администрацијата за безбедност на транспортот да работат без плата за време на вакуумот во буџетот.

