Свет
Спасувањето на подморницата забавено поради документација: Клучната опрема со часови стои, Американците не даваат согласност да се тргне кон Титаник

Виталната опрема потребна за спасување на подморницата, која исчезна додека се движеше кон потонатиот брод Титаник, ја задржуваат американските власти кои не успеаја да ја одобрат документацијата, тврди една туристичка компанија.
Подморницата „Титан“, изгубила контакт во неделата наутро, еден час и 45 минути откако се упатила кон познатата хаварија.
Петте лица во бродот во понеделникот беа именувани како татко и син Пакистанци, британски милијардер авантурист, ветеран на француската морнарица и главниот извршен директор на компанијата.
Од вчера, на подморницата ѝ останаа 96 часа или четири дена воздух.
Сепак, спасувачките напори се попречени од бирократијата на американската влада, бидејќи авионот што превезува опрема на британскиот остров Гернзи не може да лета до местото на настанот додека не се потпише документацијата.
„Мора да одиме. Немаме ни минута. Мораме да одиме сега. Оваа опрема седи на пистата со часови. Американската влада вели дека луѓето кои треба да дадат согласност се „надвор од должност“. Тоа е неприфатливо“ – изјави Дејвид Конканон, советник на „Океангејт“.
Конканон, кој претходно водеше експедиција и нурна неколку пати до местото на Титаник, требаше да биде експерт на патувањето до потонатиот брод во неделата – но итен случај на клиент го задржа на брегот.
Тој рече дека секоја минута се брои во трката за наоѓање и извлекување на подморницата.
„Ако се движиме брзо, до локацијата можеме да стигнеме за 40 часа. Ако преку ноќ ги извадиме средствата од островите Гернзи, можеме да ги мобилизираме на брод за еден ден и да стигнеме таму – рече тој.
Експертите изнесоа три можни теории за ненадејно исчезнување на подморницата.
„Мислам дека постои оптимистичка опција дека или изгубиле контакт со контролниот центар или имало дефект, но подморницата продолжува да функционира, но очигледно не е во контакт со својот матични брод. Исто така, можно е да се случила катастрофална трагедија, а подморницата да се заглавила во остатоците од Титаник. Се уште не го знаеме одговорот“ вели поранешниот контраадмирал Крис Пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Токио објави видео од вештачка интелигенција од ерупцијата на вулканот Фуџи за да ги подготви жителите

Вулканот Фуџи не еруптирал од 1707 година. Сепак, за да го одбележат Денот на подготвеност за вулкански катастрофи, властите во Токио објавија вештачки генерирани видеа кои симулираат потенцијална вулканска ерупција.
Видеата, објавени оваа недела, имаат за цел да ги подготват 37-те милиони жители на поширокото метрополитенско подрачје на Токио за потенцијална катастрофа.
Видео од Владата на Токио предупредува дека ерупцијата може да се случи „во секое време, без предупредување“. Видеото покажува вулканска пепел како го обвива центарот на Токио, на околу 100 километри оддалеченост, за неколку часа, парализирајќи го сообраќајот, прекинувајќи го снабдувањето со храна и електрична енергија и предизвикувајќи долгорочни респираторни проблеми.
Видеото завршува со пораката: „Мора да се вооружиме со факти и да се подготвиме за катастрофа во нашиот секојдневен живот“. Еден кадар ја прикажува оставата на семејството полна со конзервирана храна и комплети за прва помош.
Токиските власти соопштија дека во моментов нема знаци за ерупција на вулканот Фуџи. „Симулацијата е дизајнирана да ги опреми жителите со точно знаење и мерки за подготвеност што можат да ги преземат во случај на вонредна состојба“, се вели во соопштението.
Но, видеата предизвикаа вознемиреност и конфузија кај некои жители. „Дали навистина има знаци на ерупција? Зошто сега слушаме работи како „може да падне 10 сантиметри пепел“, дури и во Токио? Се прашувам зошто ова се случува одеднаш“, рече Шиничиро Карија, 57-годишен вработен во болница.
Европа
Кремљ: Тешко е да се замисли дека нашите дронови летаат над Германија

Според „Њујорк тајмс“, беспилотни летала што им припаѓаат на Русија или на нејзините посредници летале над рутите што транспортираат американски воени резерви во Германија.
Повикувајќи се на американски и западни претставници, весникот наведува дека Москва собира разузнавачки информации што би можеле да се искористат за „интензивирање на саботажната кампања на Кремљ“ и „помош на неговите сили во Украина“. Американските и германските претставници „разговараат за руските саботажни напори“, се додава во статијата.
Запрашан за извештајот, портпаролот на Кремљ, Дмитриј Песков, рече дека Москва немала време детално да го проучи. „Но, тешко е да се замисли“, рече тој.
„Затоа што тогаш Германците би го виделе јасно и тешко дека би молчеле. Значи, се разбира, сето ова повеќе личи на уште една измислица на весникот“.
Европа
(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот, соопшти војската.
A Polish F-16 Tiger Demo jet crashed while rehearsing for the Radom Air Show 2025, which is set to take place on August 30 and 31 in Poland.
The pilot didn't manage to eject and died as a result of the crash. pic.twitter.com/zJ5Ao3TRpv
— TabZ (@TabZLIVE) August 28, 2025
„Пилот на полската армија загина во падот на авионот Ф-16 – офицер кој секогаш ѝ служел на својата земја со посветеност и голема храброст. Оддавам почит во негово сеќавање“, напиша министерот за одбрана Владислав Косињак-Камиш на X откако пристигна на местото на несреќата.
We are deeply saddened to hear the news that Major Maciej “SLAB” Krakowian, pilot of the Polish F-16 Tiger Demo Team, lost his life this afternoon during a rehearsal for the Radom Airshow. Our thoughts are with his family, friends and colleagues. pic.twitter.com/4iVUF0oYpm
— RAF Cosford Air Show (@cosfordairshow) August 28, 2025
Високата команда на вооружените сили соопшти дека авионот бил од 31-та тактичка воздухопловна база кај Познањ и дека нема повредени цивили. „Спасувачките операции веднаш беа започнати на местото на настанот“, се вели во соопштението.
Снимките објавени од полските медиуми го покажуваат Ф-16 како изведува ротирачко движење пред да се сруши и да се запали додека се лизга по земјата.
Локалните медиуми јавуваат дека авионот се урнал на пистата околу 19:30 часот, дека пистата е оштетена и дека аеромитингот во Радом е откажан.
фото: принтскрин