Европа
Според „Њујорк тајмс“, мигрантите се непожелни во Данска, ќе бидат испратени на мал остров
Како што пишува „Њујорк тајмс“, Данска планира да ги изолира непожелните имигранти на малиот, далечен и изолиран остров, каде што досега се наоѓаа лаборатории, штали и крематориум на центарот за истражување на заразни болести кај животните. Целата работа личи на сместувањето на островот од филмот Shutter Island, па дури и два ферибота што одат до и од островот, кои се нарекуваат „Вирус“.
„Тие се непожелни во Данска и тие ќе го почувствуваат тоа“, напиша министерката за имиграција, Ингер Стојберг, на „Фејсбук“.
Минатата недела централнодесничарската коалиција објави дека е договорено на споменатиот остров Линдхолм да се задржат странци што биле одбиени за азил и имаат криминално досие, па од многу причини не може да се вратат во својата земја. Малото островче во Балтичкото Море е оддалечено 3,2 километри од најблиското копно, а фериботските услуги се нередовни. Странците ќе мора да се јавуваат секој ден во центарот на островот, а нејавувањето е казниво со закон (и затвор).
За четири години, функционирањето на овој принцип ќе чини околу 115 милиони долари, а центарот треба да се отвори во 2021 година. Министерот за финансии, Кристијан Јенсен, кој ги предводеше преговорите, рече дека островот не е затвор, но секој што е таму исто така мора и да спие таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.