Свет
Спортски тренер во Авганистан: Ми го убија кучето зашто сум жена
![](https://makfax.com.mk/wp-content/uploads/2020/02/Sahba-and-Assoman.jpg)
Група мажи нападнале жена со куче на планина во западен Авганистан. Тие го застрелале нејзиното куче хаски и и` рекле дека жена не може да има куче.
Сахба Баракзаи, нејзиното семејство и седуммесечното куче хаски Асеман често одат на планина близу нивниот дом, но минатиот петок прошетката се претворила во трагедија. Таа стравува дека можеби не е само проблемот со кучето, туку се сомнева дека можеби нападот има врска и со тоа што таа е спортски тренер за девојчиња.
„Сè уште не го знаеме нивниот мотив, но се сомневаме дека тоа е поради нејзината кариера. Таа е првата жена која има свој клуб, а овие работи тука се табу“, изјавила нејзината сестра Сетајеш.
Сабха веќе 10 години е тренер по карате за деца во Херат, третиот најголем град во Авганистан. Исто така отворила и велосипедски клуб за тинејџери и млади девојки, многу јавен спорт во земјата каде пред две децении жените не смееја да одат на училиште, да работат или да излезат од дома без придружба од маж.
Но, како што вели сестрата на Сабха, сΦ уште е табу девојките да возат велосипед во Херат, каде некои мажи реагираат агресивно, а нејзината сестра била одлучна да истрае во својата намера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Несреќа во градинка во Сиетл: на двегодишно момче морале да му го ампутираат стапалото
![](https://makfax.com.mk/wp-content/uploads/2024/07/Screenshot-2024-07-01-192553.jpg)
На двегодишно момче му го ампутирале стапалото по страшна несреќа во градинка.
Официјални лица во државата Вашингтон велат дека несреќата се случила кога косилка зграпчила дете во градинка во Квинси, која се наоѓа на околу 200 километри источно од Сиетл.
– Работникот косел трева кога детето дошло кај него. Сечилото го фатило за нога и го повлекло под косилката. Стапалото на детето е ампутирано и има сериозни повреди на десната нога – според началникот на локалната полиција во Квинси, Рајан Грин.
Момчето прво било пренесено во локалниот медицински центар од каде поради сериозноста на повредите било префрлено во медицинскиот центар во Сиетл. Лекарите се борат да му го спасат остатокот од ногата.
Ангела Акселсон, пријателка на семејството на момчето, отвори страница „GoFundMe“ за да собере помош.
– Двегодишниот син на мојот пријател е тешко повреден во својата градинка каде го прегазила косилка. Имаат големо семејство и навистина се во тешка ситуација. Моментално се наоѓа во детска болница во Сиетл, каде морале да му го ампутираат стапалото – изјави Акселсон.
Дозволата за работа на градинката е суспендирана додека трае истрагата.
Регион
(Видео) Невреме ја зафати Словенија: градот ги искрши стаклата на автомобилите
![](https://makfax.com.mk/wp-content/uploads/2024/07/slovenija-nevreme.jpg)
Невфреме со силна бура ја зафатаи Словенија и во попладневните часови се префрли на северозапад од земјата.
Синоптичарите предупредија дека во текот на денот невреме со врнежи ќе ја зафати цела Словенија.
Според „N1 Словенија“, невремето со ветер ќе го зафати словенечкото крајбрежје и голем дел од Истра.
Според податоците на Агенцијата за заштита на животната средина, најсилното невреме се случило во Долењска. Градот предизвикал најмногу проблеми особено во сообраќајот, бидејќи возачите пријавиле скршени шофершајбни.
Читател на N1 Словенија пријавил дека ветробранското стакло од неговиот автомобил било искршено од силниот град. Според неговата изјава, условите во близина на Ново Место биле ужасни и повеќето од автомобилите имале скршени шофершајбни. Според објавите во група на Фејсбук, луѓето застанувале под надвозникот иако тоа било забрането.
Како што објави сајтот „ Неверин“, посилно невреме доаѓа од Словенија веднаш на влезот во Хрватска, а се очекува и во Босна и Херцеговина. Агенцијата за водено подрачје на реката Сава упати важно предупредување до граѓаните поради можни поплави.
Свет
(Видео) Маж со својот автомобил влетал во пешаци во Сеул: има загинати
![](https://makfax.com.mk/wp-content/uploads/2024/07/Screenshot-2024-07-01-180902.jpg)
Автомобил влета во пешаци во близина на градското собрание во Сеул, при што загинаа девет лица, а најмалку четворица се повредени, јавија јужнокорејските медиуми, повикувајќи се на извори од полицијата и противпожарната служба.
At least 9 people were killed and four others were injured when a car crash into pedestrian in downtown seoul on monday..🥺https://t.co/iimEWfTrDv pic.twitter.com/chKjXexaTA
— WinterSun2210🍉🍉🍉🍀🍀🍀🍀🐯🐇🧸🐻 (@meenseon) July 1, 2024
Претставник на полицијата за Ројтерс изјавил дека полицијата истражува на местото на настанот и одбил да даде дополнителни информации, но стравува дека бројот на жртвите може да се зголеми.
Телевизијата „YTN“ објави дека возилото удрило во пешаците кои чекале на пешачкиот премин, откако удрил во други два автомобили. Велат дека автомобилот го управувал 60-годишен маж и возел во спротивен правец.