Регион
Средба Коѕијас-Бушати во Тирана

Во Тирана денеска се одржа средба на министрите за надворешни работи на Албанија и на Грција, Дитмир Бушати и Никос Коsијас. Централна тема на разговорите според албанските медиуми било утврдувањето на морската граница помеѓу двете земји, како и укинувањето на законот за војна од страна на Атина и прашањето на Чамите во Грција.
Медиумите пренесуваат дека во разговорите имало напредок околу утврдувањето на морската граница, но не и за прашањето на Чамите во Грција. Дел на медиумите нагласуваат дека грчкиот министер одбил да се разговара околу прашањето за Чамите сметајќи го тоа прашање како провокација. Во своето електронско издание весникот „Мапо“ пренесува изјава на лидеерот на партијата на Чамите во Албанија, Партијата за правда и единиство, Шпетим Идризи, во која тој истакнува дека грчкиот министер се заканил дека ќе ја напушти средбата ако се преговара за прашањето околу Чамите. Според Идризи, Албанците нема да се откажат од ова прашање.
Во официјално соопштение на албанското министерство за Европа и надворешни работи се нагласува дека има напредок во преговорите по јануарската средба на двајцата министри во албанскиот град Корча околу отворените прашања и дека на дневен ред биле отворените прашања помеѓу двете држави. Двајцата министри постигнале согласност и околу понатамошните активности, а воедно разговарале и околу финализацијата на документот за Стратешко партнерство на Албанија и Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Регион
Петгодишниот брат ја застрелал малолетната сестра со пушка: децата си играле во семејната куќа во БиХ

Викендов се случил инцидент во БиХ кога петгодишен брат ја застрелал својата малолетна сестра (4) за време на игра.
Обвинителството потврди за Hercegovina.info дека дежурниот обвинител, Јосип Аничиќ, бил информиран за инцидентот и наредил да се спроведе истрага на местото на инцидентот.
– Според моментално достапните информации, братот (5) и сестрата (4) си играле во семејната куќа кога дошло до пукање од воздушна пушка – изјави портпаролката на обвинителството, Петруњела Матијевиќ, за Hercegovina.info, пренесува Srpskainfo.
Таа додаде дека полицајците, по наредба на обвинителот, се во фаза на испрашување на сведоците, со цел да утврдат како пушката се нашла на дофат на децата и кој ја оставил таму.
Според информации на медиумите во регионот, девојчето е добро и стабилно и без сериозни последици.
Фото: Принтскрин
Регион
Поранешниот хрватски премиер, Иво Санадер, излезе од затвор

Иво Санадер, поранешен лидер на ХДЗ и премиер на Хрватска, е ослободен од затвор пред да ја отслужи целата казна. Санадер беше условно ослободен од затворот Липовица откако отслужи две третини од казната, објавија хрватските медиуми.
Како што објасни адвокатот Драган Црнковиќ, исполнети се сите законски услови за поранешниот премиер да биде ослободен. Тој рече дека покрај неговата возраст, една од причините наведени во барањето за ослободување е неговата здравствена состојба, но тоа не се главните причини, забележува тој, туку и фактот дека тој го почитува член 59 од Кривичниот законик. Тој истакнува дека на 15 август 2023 година отслужил половина од казната.
Ќе биде должен да се јавува во полиција секој месец и нема да му биде дозволено да го менува местото на живеење и привременото живеалиште.
На прашањето на новинарите дали тоа значи дека ќе има ограничено движење, тој одговори негативно.
„Не знам, може да го запали автомобилот, да оди во Сплит. Само ако има намера трајно да го промени местото на живеење и живеалиштето, мора да добие дозвола“, објасни адвокатот Црнковиќ.
Фото: ЕПА