Свет
„Среќни се ако јадат сув леб“ – трогателно сведоштво за брат и сестра во Газа кои гладуваат со недели

Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и сестра – кои во своите „најсреќни денови“ јадат сув леб и пијат чај! Организацијата, исто така, предупреди дека речиси половина од бремените жени и доилките страдаат од тешка неухранетост и изјави дека им е потребна итна медицинска помош.
– Утрово лекував две деца, брат и сестра на возраст од 11 и 14 години, кои јасно покажуваа знаци на тешка неухранетост. Им дадовме терапевтска храна за да се обидеме да ја стабилизираме нивната состојба. Но, семејствата ни велат дека едвај имаат храна. Во најдобар случај, преживуваат на сув леб и чај. Потребна е итна акција – предупреди Мохамед Алмадун, здравствен работник и заменик-директор на организацијата Медицинска помош за Палестинците (MAП).
Зборувајќи во име на организацијата, тој рече дека тие се исклучително загрижени за хуманитарната криза во Газа.
– Досега не е дозволен влез на никаков терапевтски додаток за третман на неухранетост. Уште позагрижувачки е што почнавме да забележуваме зголемување на смртните случаи предизвикани од неухранетост, не само кај децата, туку и кај постарите лица – истакна Алмадун.
Организацијата MAП објави дека 44 проценти од бремените жени и доилките прегледани од еден од нивните локални партнери покажуваат знаци на тешка неухранетост и дека итно треба да бидат упатени на медицински третман.
Алармантните нови податоци објавени од организацијата „Ард Ел Инсан“ (АЕИ), која им обезбедува нутритивна и медицинска помош на Палестинците низ Газа, покажуваат зголемување од 10 проценти од мај на бројот на бремени жени и доилки кои страдаат од тешка неухранетост, пишува „Индипендент“.
Здравствените работници и хуманитарните работници, исто така, велат дека не можат сами да обезбедат доволно храна и страдаат од неухранетост.
– Искрено, не знам како да го опишам тоа. Како медицински тимови, сме целосно исцрпени. Немаме храна, ништо за пиење и немаме можност за одмор, дури ни помеѓу операциите што траат доцна во ноќта – рече д-р Халид Шава, општ хирург во теренска болница во Газа Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото+видео) Масовен протест за Газа во Сиднеј: демонстрантите носеа тенџериња и тави како симболи на глад

Денеска во Сиднеј се одржа пропалестински протест, на кој учествуваа десетици илјади луѓе, повикувајќи на мир и доставување помош до воено разурнатиот Појас Газа, јавува Ројтерс.
Некои од учесниците на протестната прошетка, која организаторите ја нарекоа „Марш за хуманост“, носеа тенџериња и тави како симболи на глад. Според „9 News Australia“, бројот на демонстранти далеку ги надмина очекувањата на организаторите – дури 90.000 луѓе.
Avustralya’nın Sydney kentinde binlerce kişi İsrail’in Filistin’e yönelik saldırılarını protesto etmek için bir araya geldi.
— Haber HUN (@haberHUN) August 3, 2025
Меѓу учесниците на протестот беа постари лица и семејства со мали деца, како и основачот на Викиликс, Џулијан Асанж, а некои мавтаа со палестински знамиња и скандираа „сите сме Палестинци“.
Во Појасот Газа, во тек е војна меѓу Израел и палестинското милитантно движење Хамас, која започна во октомври 2023. Оттогаш, според палестински извори, повеќе од 60.000 луѓе се убиени во Газа, а хуманитарните организации велат дека недостигот од храна води до широко распространето гладување.
Свет
(Видео) „Ова не се случило 20 години“ – снег ја парализира Австралија, завеани градови, заглавени возила

Неколку градови во источна Австралија се покриени со најдебелиот слој снег што паднал во последните неколку децении. Државната служба за вонредни ситуации на Нов Јужен Велс соопшти дека за време на викендот се очекува да падне околу половина метар снег во одредени области.
Во делови од северозападниот регионот Нова Англија паднал најголемиот снег во последните 20 години, извести државната телевизија.
Весникот „Сиднеј Морнинг Хералд“ објави дека во едно подрачје во соседната држава Квинсленд паднал првиот снег по десет години, пренесува денеска Ројтерс.
– Никогаш во животот немам видено снег. Навистина е надреално искуство – изјавил еден жител на Квинсленд за локалната телевизија „7Њуз“.
Службата за вонредни ситуации соопшти дека реагирала на повеќе од 1.455 инциденти. Олуите оштетиле згради и издадени се неколку предупредувања за поплави. Според Abc.net.au, околу 200 возила се заглавени во длабок снег кој го затрупал северозападниот дел на Нова Англија во саботата. Службата на Нов Јужен Велс соопшти дека регионот никогаш досега не видел ваков длабок снег.
Десетици илјади потрошувачи останале без струја во текот на ноќта, а полицијата во Нов Јужен Велс – најнаселената австралиска држава – соопшти дека автомобил останал заглавен во поплавени води и дека исчезнала жена на дваесетина години, по која интензивно се трага.
Свет
(Фото+видео) Руски ракетен напад врз Николаев: повредени седум лица, уништени десетици домови

Во рускиот ракетен напад врз градот Николаев во јужна Украина синоќа, најмалку седум лица се повредени, а десетици куќи и објекти од цивилна инфраструктура се уништени или оштетени, изјави денес началникот на Николаевската регионална воена администрација Виталиј Ким.
Државната служба за вонредни ситуации на Николаевската област објави дека како резултат на рускиот ракетен напад се оштетени приватни куќи и цивилни домови, како и дека се спроведуваат итни спасувачки операции и се гаси пожарот на местото на ударот, пренесува „Униан“.
Ким во објава на Телеграм изјави дека три лица се хоспитализирани од полноќ.
Тој објави фотографии на кои се гледаат поединечни станбени згради кои биле речиси уништени, наведувајќи дека 23 приватни куќи, 12 станбени згради и пошта биле оштетени во рускиот напад, пренесува Ројтерс.
Украинските воздухопловни сили објавија на Телеграм дека Русија синоќа лансирала 76 дронови и седум ракети насочени кон Украина и дека биле погодени осум локации низ Украина.
😡 Strike on Mykolaiv: Homes destroyed, civilians injured
During yesterday’s shelling of Mykolaiv, 23 private houses, 12 apartment buildings, 6 cars, a post office, and a construction materials store were damaged, according to Mayor Oleksandr Sienkevych.
Seven people were… pic.twitter.com/FQ8NiwfBLe
— NEXTA (@nexta_tv) August 3, 2025
Се додава дека украинските единици за воздушна одбрана уништиле 60 руски беспилотни летала и една ракета.
Во регионите Запорожје и Херсон, на фронтовската линија, најмалку три лица се убиени, а повеќе од 12 се повредени како резултат на руските напади во текот на изминатите 24 часа, соопштија шефовите на регионалните воени администрации.
Русија, исто така, започна ракетен напад со краток дострел врз Киев, но нема извештаи за повредени или штети.