Свет
Стејт департментот: Обвинувањата на Турција дека САД стојат зад обидот за пуч се неодговорни
Американскиот Стејт департмент синоќа соопшти дека процените на турските официјални лица оти САД се вмешани во обидот за државен удар во Турција во 2016 година се целосно неточни.
Во соопштението на Стејт департментот, откако турскиот министер за внатрешни работи ги обвини САД дека стојат зад обидот за државен удар, се вели дека забелешките за вмешаноста на САД во настаните во Турција се неосновани и неодговорни.
„Ваквите изјави, кои доаѓаат од Турција, не се во духот на НАТО-сојузништвото“, се додава во соопштението од Вашингтон.
Турскиот министер за внатрешни работи, Сулејман Сојлу, ги обвини САД дека стојат зад неуспешниот пуч во 2016 година.
Сојлу за „Хуријет“ изјави дека Соединетите Американски Држави го контролирале обидот за државен удар додека мрежата на Фетулах Ѓулен го спроведувала.
„Јасно е дека САД стојат зад 15 јули. ФЕТО го стори тоа по нивна наредба“, рече тој.
Повеќе од 250 лица беа убиени во обидот за соборување на претседателот Реџеп Таип Ердоган и неговата влада на 15 јули 2016 година.
Анкара долго време ги обвинуваше проповедникот Фетулах Ѓулен, поранешен сојузник на Ердоган, кој живее во Пенсилванија, и неговото движење, за кое Анкара ja користи кратенката ФЕТО. Ѓулен негира каква било вмешаност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Националната гарда на Флорида се подготвува за најголемата спасувачка операција во историјата
Националната гарда на Флорида се подготвува за операции за пребарување и спасување откако ураганот Милтон ќе помине над државата, изјави денеска гувернерот на Флорида, Рон Де Сантис.
„Ова е најголемата мобилизација на Националната гарда на Флорида за операција за пребарување и спасување во историјата на државата Флорида“, додаде тој.
ДеСантис рече дека има околу 9.000 гардисти на теренот, од кои една третина доаѓаат надвор од државата. Дваесет и шест тимови за пребарување и спасување се подготвени, рече гувернерот.
„Тие во моментов се позиционирани на местата на потенцијален удар долж западниот брег за да започнат итни спасувачки операции веднаш штом ќе помине бурата“, рече ДеСантис.
Регион
Земјотрес во регионот на Параќин
Републичкиот сеизмолошки завод денеска регистрираше земјотрес со јачина од 3,6 степени според Рихтеровата скала во регионот на Параќин.
Според веб-страницата на Сеизмолошкиот завод, земјотресот е регистриран во 15:38 часот.
„Теоретскиот интензитет во епицентарот беше проценет на ниво V од Меркалиевата скала. Земјотреси со ваков интензитет може да предизвикаат многу мали оштетувања на објекти во епицентралното подрачје“, наведуваат од Републичкиот сеизмолошки завод.
Медиумите објавија дека потресите се почувствувале во Крушевац, Крагуевац и Сврљиг.
Свет
Пилот починал за време на лет, авионот принудно слетал на аеродромот во Њујорк
Авионот на „Туркиш ерлајнс“ синоќа полетал од Сиетл во САД и принудно слетал во Њујорк поради смртта на пилотот која се случила за време на летот.
Пилотот пред смртта се обидел принудно да го приземји авионот кој летал за Истанбул, но трагедијата се случила пред да успеат да слетаат, пренесуваат медиумите во регионот.
„Пилотот на нашиот Ербас 350… летот ТК204 од Сиетл за Истанбул почина за време на летот“, изјави портпаролот на авиокомпанијата.
Веднаш му била укажана прва помош од персоналот, но и покрај тоа човекот ја загубил битката со животот, пишува Метро.
„По неуспешниот обид да се пружи прва помош, копилотот и копилотот решија да го преземат леталото и принудно да слетаат во Њујорк“, додаваат од авиокомпанијата.