Свет
Столтенберг: Време е Шведска да влезе во НАТО
Време е Шведска да се приклучи на НАТО бидејќи направи се’ што е потребно за да обезбеди одобрение на Турција за членство во Aлијансата, изјави генералниот секретар на НАТО, Јенс Столтенберг.
„Време е да се заврши процесот на ратификација на Шведска“, рече Столтенберг во интервју за шведскиот весник „Афтонбладет“, пренесува „Еј-Би-Си њуз“.
Во мај, Шведска и Финска ја напуштија својата долгогодишна политика на воена неутралност и поднесоа барање за влез во НАТО по руската инвазија на Украина.
Потегот бара едногласна согласност од сите членки на алијансата. Турција го блокираше процесот и изврши притисок врз Шведска и Финска да уапсат групи што ги смета за терористички организации и да екстрадираат лица осомничени за злосторства поврзани со тероризам.
Минатиот месец турскиот министер за надворешни работи Мевлут Чавушоглу рече дека Шведска не е ни на половина пат во исполнувањето на обврските што ги презеде за да обезбеди поддршка од Турција за членство во НАТО.
Неговите коментари уследија откако шведскиот суд донесе одлука против екстрадиција на новинар баран од Турција за наводни врски со неуспешниот пуч во 2016 година.
„Убеден сум дека Шведска ќе стане членка на НАТО. Не сакам да дадам прецизен датум кога тоа ќе се случи. Ќе биде необичен и брз процес за приклучување кон алијансата. Обично тоа траеше неколку години“, рече Столтенберг.
Шведскиот премиер Улф Кристерсон изјави дека Шведска ги исполнила своите обврски и дека одлуката сега е на Турција.
Парламентите на 28 земји од НАТО веќе го ратификуваа членството на Шведска и Финска. Турција и Унгарија се единствените членки кои сè уште не дале одобрение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.