Свет
Столтенберг: НАТО ја презема координацијата на испораката на оружје за Украина
НАТО е подготвен да ја преземе координацијата на американските испораки на оружје за Украина, а во исто време земјите-членки ги прилагодуваат своите нуклеарни капацитети на новонастанатата ситуација, изјави генералниот секретар на Алијансата Јенс Столтенберг.
„Очекувам министрите да го одобрат планот НАТО да ја води координацијата на безбедносната помош и обука на Украина“, рече Јенс Столтенберг пред дводневниот состанок на министрите за одбрана на НАТО во Брисел.
Алијансата се обидува да го заштити механизмот за воена помош додека НАТО-скептикот Доналд Трамп се обидува да го добие својот втор претседателски мандат на претседателските избори во САД.
„Ова е клучен елемент од нашиот пакет за Украина усвоен на самитот во Вашингтон, заедно со долгорочна финансиска обврска“, додаде Столтенберг.
Земјите на НАТО, исто така, ги прилагодуваат своите нуклеарни капацитети на сегашната безбедносна средина, рече генералниот секретар на НАТО.
Столтенберг рече дека последните месеци донесоа опасна нуклеарна реторика и повеќе нуклеарни вежби од страна на Русија, додека Кина исто така ги модернизира своите нуклеарни капацитети.
„Сојузниците ќе разговараат за тековното прилагодување на нашите нуклеарни капацитети на сегашната безбедносна средина. Постигнавме значителен напредок во оваа адаптација“, додаде генералниот секретар на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Едно лице загина, а друго е повредено во невреме во Србија, ги погодил гром
Едно лице загина, а друго е повредено во невреме во близина на селото Бресница на југот на Србија, јавува Радио телевизија на Србија (РТС).
Ова се случило кога тракторот на кој се наоѓале бил погоден од гром, по што се превртел.
И.П.(1955) е пренесен во Итната помош во болницата Прокупа, каде што е во тек дијагностика, јавува РТС.
Во Крагуевац во централна Србија едно лице е полесно повредено кога се изгребало од дел од кровната конструкција кој паднал.
РТС пишува дека силниот ветер однел делови од покривите на некои згради, урнал неколку знамиња и дрвја во Крагуевац и неговата околина.
Ветерот собори дрвја и во Белград и Нови Пазар, што предизвика штети на автомобили и угостителски објекти.
Свет
(Видео) Воз излета од шини во Русија, најмалку 70 повредени лица
Најмалку 70 лица се повредени кога девет вагони на патнички воз излетале од шините во Република Коми на северот на Русија.
Руските медиуми јавија дека според последните информации нема жртви во оваа тешка железничка несреќа.
Патничкиот воз со број 511 сообраќал меѓу Воркут, град на северот на Русија и Новоросијск на брегот на Црното Море. Несреќата се случила недалеку од градот Инта, соопштија претставници на Руската железница.
#BREAKING #Russia A passenger train derailed in Russia’s Komi Republic, injuring several people.
Preliminary reports suggest the railway embankment was washed away by water. pic.twitter.com/5OwZ1WNMYA
— The National Independent (@NationalIndNews) June 26, 2024
– Итните служби се на лице место. Преземени се сите неопходни мерки за помош на повредените. Сообраќајот на пругата е во прекин – соопштија надлежните.
Свет
Руте: Извонредна чест е да се биде назначен за генерален секретар на НАТО
Холандскиот премиер Марк Руте изјави денеска, откако беше официјално назначен за следен генерален секретар на НАТО, дека Алијансата ќе остане камен-темелник на колективната безбедност на нејзините членки.
„Извонредна чест е да бидам назначен за генерален секретар на НАТО. Алијансата е и ќе остане камен-темелник на нашата колективна безбедност. Водењето на оваа организација е одговорност што не ја земам лесно“, напиша тој на мрежата Икс.
Руте ќе го замени Норвежанецот Јенс Столтенберг на функцијата генерален секретар од 1 октомври.
Мандатот на Столтенберг, кој беше обновен четири пати од 2014 година, кога беше првпат назначен, завршува.
Амбасадорите од 32 земји на НАТО ќе го ратификуваат назначувањето за време на состанокот на Северноатлантскиот совет, политичкото раководно тело на Алијансата, во Вашингтон од 9 до 11 јули.