Свет
Столтенберг: Самит на НАТО во декември во Лондон, доаѓа и Трамп
![](https://makfax.com.mk/wp-content/uploads/2018/07/jens-stoltenberg-2.jpg)
Лидерите на 29 членки на Северноатлантскиот сојуз, во декември ќе одржат самит во Лондон, на кој ќе присуствува и американскиот претседател, Доналд Трамп, најави генералниот секретар на НАТО, Јенс Столтенберг.
„Благодарни сме на Обединетото Кралство што ќе биде домаќин на тој состанок, кој се одржува во знак на одбележување на 70-годишнината на НАТО. Лондон е дом на првото седиште на НАТО, а Обединетото Кралство е едно од 12-те основачки членки на алијансата, кои ќе продолжат да играат клучна улога во алијансата, давајќи значаен придонес на нашата заедничка безбедност“, порача Столтемнберг.
Трамп на самитот на НАТО во Брисел, во јули минатата година, се закани дека САД ќе се повлечат од воено-политичкиот сојуз доколку останатите членки не го зголемат своето трошење за одбрана, односно за војската.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Пет лица се повредени во пожар во источен Лондон
![](https://makfax.com.mk/wp-content/uploads/2024/06/вцџ.jpg)
Пет лица се повредени и пренесени во болница откако во четвртокот вечерта пожар избил во станбен блок во источен Лондон.
Околу 70 пожарникари и 10 противпожарни возила се ангажирани во гаснењето на пожарот на улицата Римил во Норд Вулвич, јавува Sky News.
Поголемиот дел од трисобниот стан на 10-тиот кат е оштетен, соопшти лондонската противпожарна бригада.
Свет
Почнаа изборите за претседател на Иран, во изборната трка учествуваат четворица кандидати
![](https://makfax.com.mk/wp-content/uploads/2024/06/вфв.jpg)
Во Иран денеска се одржуваат претседателски избори, распишани по смртта на претседателот Ебрахим Раиси во хеликоптерска несреќа. Граѓаните избираат еден од четворицата кандидати кои се лојални на врховниот верски водач, ајатолахот Али Хамнеи.
Изборите се совпаѓаат со ескалацијата на регионалните тензии поради војната меѓу Израел и проиранските милитантни групи Хамас во Појасот Газа и Хезболах во Либан, како и зголемениот притисок на Западот врз Техеран предизвикан од забрзаниот напредок на иранската нуклеарна програма, забележува Ројтерс.
Иако изборите не се очекува да донесат значителни промени во иранската политика, аналитичарите велат дека нивниот исход може да влијае на изборот на наследник на Хамнеи, 85-годишниот ирански врховен верски водач кој е на власт од 1989 година.
Свет
Потврдено: Телото што го најде фармер во Германија е на исчезнатото 6-годишно дете Аријан
![](https://makfax.com.mk/wp-content/uploads/2024/06/arijan.jpg)
Детето чиешто тело е пронајдено на ливада во Долна Саксонија е малиот Аријан кој исчезна пред два месеци, утврдила ДНК анализата, пишува германски Шпигел.
Шестгодишното момче од Бремерверде-Елм исчезна на 22 април. Стотици припадници на итната помош го бараа момчето со аутизам – на копно, од воздух и во вода.
Телото го пронашол земјоделец додека ја косел тревата
Во понеделникот попладне, фармер го пронашол телото на детето додека косела ливада во Есторф, во областа Стаде. Ливадата се наоѓа на само неколку километри од куќата на Аријан.
Вештаците го извлекле телото и го прегледале местото каде што е пронајдено. Областа беше пребарувана неколку пати од службите за итни случаи за време на потрагата по Аријан во април, изјави портпаролката на полицијата.
По многубројните неуспешни пребарувања, во кои беше вклучен и Бундесверот, активната потрага по момчето беше прекината. Во потрагата беа користени повеќе од 1.200 луѓе, полицајци на коњи и дронови. Од тој момент истрагата ја презеде увидна екипа на полицијата.