Свет
Столтенберг: Украина има право на самоодбрана, вклучувајќи и напади врз воени цели на руска територија
Генералниот секретар на НАТО Јенс Столтенберг изјави дека кога Украина ќе добие борбени авиони Ф-16 од своите сојузници.
На прашањето кога Украина ќе може да добие борбени авиони Ф-16, Столтенберг рече дека не може да каже конкретен датум. Тој повтори дека сите сојузници на Украина сакаат воени авиони таму што е можно поскоро, но напомена дека ефектот од користењето на Ф-16 ќе биде посилен доколку пилотите се добро обучени, а екипите за одржување и другиот персонал за поддршка се добро подготвени.
„Значи, мислам дека треба да ги слушаме воените експерти за да знаеме кога сојузниците ќе бидат подготвени да почнат да испраќаат и испорачуваат Ф-16. Колку побрзо, толку подобро“, посочи тој во интервју за „Радио Слободна Европа“.
Истакна дека секоја членка на воената алијанса има право да одлучи дали ќе и’ испорача авиони Ф-16 на Украина.
Тој потсети дека сојузниците имаат различна политика. Тој рече дека Украина е изложена на агресија и дека има право на самоодбрана, што вклучува напади врз легитимни воени цели лоцирани на руска територија.
Запрашан за можноста поранешниот американски претседател Доналд Трамп да се врати во Белата куќа, Столтенберг рече дека верува дека, без оглед на исходот од изборите во САД оваа година, Соединетите држави ќе останат посветен сојузник на НАТО, бидејќи тоа е во нивен интерес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД за убиениот шеф на Хамас: Во последните недели тој воопшто не сакаше да преговара
Соединетите Држави сакаат да започнат преговори за постигнување прекин на огнот и ослободување на заложниците од Газа, изјави портпаролот на американскиот Стејт департмент Метју Милер, по смртта на лидерот на Хамас Јахја Синвар во, како што Милер го нарече „сеизмички настан“.
Милер на брифингот со новинарите изјави дека Синвар е „главната пречка“ за завршување на војната, која започна кога Синвар организираше напад врз јужен Израел во кој палестинските милитанти убија околу 1.200 луѓе и киднапираа 250.
Администрацијата на Бајден со месеци работеше неуспешно со посредниците Катар и Египет за да се постигне договор со кој би се ставиле крај на израелските операции во Газа во замена за ослободување на заложниците киднапирани од Хамас пред една година. Во последните недели, Синвар воопшто не беше подготвен да преговара, рече Милер.
„Пречката очигледно е отстранета. Не можам да предвидам дека кој и да го замени Синвар ќе се согласи на прекин на огнот, но главната пречка што не дозволуваше да се постигне прекин на огнот во изминатите месеци е отстранета“, рече тој.
Вашингтон сега ќе ги засили своите напори и ќе се обиде да го протурка предлогот „кој е на маса веќе некое време“, најави Милер, но не откри детали.
Свет
(Видео) Израелците веат знамиња и танцуваат по улиците, смртта на лидерот на Хамас се славеше и на плажите
Убиството на Јахја Синвар, првиот човек на Хамас, предизвика прослави на улиците на Израел.
Граѓаните блокираа улици во Израел. Неколку стотици луѓе играа и вееа знамиња, а во позадина се слуша гласна музика.
Israelis in Jerusalem celebrating following the death of mass murderer Yahya Sinwar. pic.twitter.com/QZ5BiGdwST
— Im Tirtzu (@IMTIzionism) October 17, 2024
„Тој е лош човек и дојде неговото време. Ова е подарок за сите. И за Палестинците кои се со нас и за Евреите“, вели Нисим Вајцман додека седи пред локалната продавница.
„За мене ова не е ништо. Тоа е само еден терорист. Убиваш еден, добиваш четворица“, рекол Двир Васер, пренесува Би-би-си.
Celebrations across the City of Karmiel in Northern Israel, following the Elimination of Senior Hamas Leader, Yahya Sinwar. pic.twitter.com/NVRyduN85v
— Alex Kennedy (@therealmindman) October 17, 2024
Исто така, имаше прослава претходно истиот ден кога беа објавени првите информации дека Синвар е „многу веројатно“ убиен. „Многу се големи шансите тунелскиот стаорец познат како Јахја Синвар да е мртов“, објавија преку звучници на плажата во Бат Јам, западен Израел.
Свет
(Видео) Снимени последните моменти на првиот човек на Хамас, фрли стап кон дронот
Израел објави дека Јахја Синвар, првиот човек на Хамас, е убиен во Рафа во Појасот Газа. Израелците тврдат дека цел на нападот биле тројца милитанти и дека не знаеле дека меѓу нив е и Синвар.
Контраадмиралот Даниел Хагари, портпарол на израелските одбранбени сили (ИДФ), рече дека израелските војници забележале тројца терористи како трчаат од куќа до куќа во областа Тал Ел Султан во Рафа.
יושב רעול פנים ומשליך מקל על רחפן צה"לי | תיעוד רגעיו האחרונים של יחיא סינוואר@ItayBlumental pic.twitter.com/kMdoPBm8hP
— כאן חדשות (@kann_news) October 17, 2024
Тој прикажа и видео на кое се гледа како на Синвар му приоѓа дрон. Синвар е маскиран на видеото и има повреда на раката.
Тој фрла нешто што личи на стап кон дронот, пред да заврши видеото.