Свет
Столтенберг: Членките на НАТО мора да трошат повеќе за одбрана
Генералниот секретар на НАТО Јенс Столтенберг денеска ги повика земјите-членки да го забрзаат зголемувањето на трошоците за одбраната, бидејќи новите бројки покажуваат дека помалку од една четвртина ја исполнуваат целта на алијансата.
Столтенберг рече дека рускиот напад врз Украина минатата година покажал дека светот станал понебезбеден и дека сојузниците на НАТО мора да одговорат со поставување и исполнување на поамбициозни воени цели, пренесува Ројтерс.
Седум од 30-те земји на алијансата ја исполнија сегашната цел да потрошат два отсто од БДП за одбрана во 2022 година, еден помалку отколку во 2021 година, пред војната во Украина, според проценките во годишниот извештај на генералниот секретар на НАТО, објавен денеска.
Столтенберг рече дека очекувањата на НАТО се уште две членки да ја исполнат целта.
Членките на НАТО постојано ги зголемуваат трошоците за одбрана откако руските сили го анектираа Крим и влегоа во Донбас во источна Украина во 2014 година, но Столтенберг рече дека минатогодишната војна ја истакнала потребата да се трошат повеќе.
„Нема сомнеж дека треба да направиме повеќе и да го направиме тоа побрзо. Сегашното темпо на зголемување на трошоците за одбрана не е доволно високо. Мојата порака до сојузниците е дека го поздравуваме она што го направија, но тие мора да забрзаат, мора да направат повеќе во овој поопасен свет“, изјави тој за новинарите во седиштето на НАТО во Брисел.
На самитот во Велс во 2014 година, лидерите на НАТО се согласија за целта да потрошат најмалку два отсто од својот БДП за одбрана во рок од една деценија.
Извештајот на Столтенберг за 2022 година покажа дека Грција, САД, Литванија, Полска, Велика Британија, Естонија и Летонија ја исполниле таа цел.
Вкупните трошоци на сојузниците на НАТО за одбрана се зголемени за 2,2 отсто во споредба со претходната година.
Се очекува лидерите на НАТО да договорат нова цел на самитот во Вилнус, Литванија, во јули, при што Столтенберг рече дека два проценти од БДП сега треба да се гледаат како минимум, а членките имаат за цел да се движат побрзо за да достигнат повисоки нивоа.
Бројките во извештајот на Столтенберг покажуваат дека Хрватска и Франција се најблиску до исполнување на целта од два проценти, при што секоја потрошила околу 1,9 отсто од БДП за одбрана.
Назад се Белгија, Шпанија и Луксембург, чии трошоци за одбрана беа под 1,2 отсто од БДП, според Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.