Свет
Сторми за Трамп: Мислам дека неговите злосторства против мене не вредат затвор
Сторми Даниелс не верува дека Доналд Трамп треба да биде затворен поради исплатата од 130.000 американски долари за време на претседателските избори во 2016 година.
За време на интервјуто со Пирс Морган, ѕвездата на филмовите за возрасни нашироко зборуваше за апсењето и судењето на поранешниот претседател откако беше обвинет за 34 кривични дела, пренесува „Метро“.
Во видео од интервјуто,Даниелс рече дека мисли оти Трамп треба да се соочи со затворска казна ако биде осуден за низа наводни злосторства, но не и за оние кои ја вклучуваат неа.
„Конкретно во мојот случај, мислам дека неговите злосторства против мене не вредат затворска казна“, рече таа.
„Чувствувам дека тој треба, ако биде прогласен за виновен за други работи, апсолутно да оди во затвор бидејќи во спротивно тоа во основа ја отвора вратата за другите луѓе да мислат дека можат да се извлечат со тоа или уште полошо“.
За време на 90-минутното интервју таа откри дека ќе сведочи доколку биде повикана на суд, бидејќи „нема што да крие“.
„Тоа е страшно, но со нетрпение го очекувам“, додава таа.
Порно актерката смета дека сведочењето ќе ја легитимира нејзината приказна и дека ќе биде навредена ако не биде побарана да зборува за време на судењето.
Даниелс првпат се најде на насловните страници во 2018 година кога проговори за наводна афера меѓу неа и Трамп во 2006 година.
Тајните плаќања наводно се случиле во 2016 година, само неколку дена пред претседателските избори, кога Даниелс се понудила да ја продаде својата приказна на озборувачки магазин.
Трамп, наводно, му наложил на својот адвокат Мајкл Коен да и’ плати на Даниелс за да спречи приказната да излезе во јавност.
Коен подоцна се изјасни за виновен за осум кривични пријави поврзани со плаќањата.
Во документите за наплата се споменуваат уште две наводни плаќања – 150.000 долари на поранешната зајачица на Плејбој, Карен Мекдугал и 30.000 долари на вратарот на кулата Трамп, кој тврдел дека има информации дека Трамп родил дете со жена додека бил во брак со Меланија Трамп.
Трамп „постојано и со измама ги фалсификувал деловните досиеја во Њујорк за да прикрие криминално однесување кое сокрило штетни информации од гласачката јавност за време на претседателските избори во 2016 година“, се наведува во документите на обвинението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.