Американскиот претседател Доналд Трамп денеска изјави дека наредил воздушни напади врз цели на ИСИС во Сомалија.

Американската војска изврши координирани воздушни напади против оперативци на Исламска држава во Сомалија, први напади во оваа африканска земја за време на вториот мандат на претседателот Доналд Трамп.

Секретарот за одбрана Пит Хегсет во саботата изјави дека нападите, извршени од командата на американската војска во Африка, биле директно нарачани од Трамп и координирани со сомалиската влада.

Првичната проценка на Пентагон покажа дека се убиени „повеќе“ оперативци. Пентагон соопшти дека проценува дека нема повредени цивили во нападите.

Трамп во објава на социјалните мрежи рече дека висок командант на ИСИС, или главниот планер на нападот, и регрути биле цел на операцијата.

„Нападите ги уништија пештерите каде што живееја и убија многу терористи, без да им наштетат на цивилите на кој било начин. Нашата војска со години го гаѓаше мозокот на сите напади на ИСИС, но Бајден и неговите соработници не дејствуваа доволно брзо за да го направат тоа Ја направив работата!“ – рече Трамп и додаде „Пораката до Исламската држава и секој што би ги нападнал Американците е дека ќе ве најдеме и ќе ве убиеме“.

Трамп не го откри идентитетот на планерот на ИСИС, ниту потврди дали лицето загинало во нападот. Претставниците на Белата куќа не одговорија веднаш на барањата за коментар, пренесува Еуроњуз.

Во падот на медицинскиот авион во североисточна Филаделфија загинаа седум лица, вклучително и едно лице кое беше во автомобил на земја, потврди денеска градоначалничката на Филаделфија, Шерил Л. Паркер.

Како што јави Си-Ен-Ен, при падот на авионот повредени се најмалку 19 лица.

Мексиканската претседателка Клаудија Шејнбаум изјави дека шесте патници во медицинскиот авион се мексикански државјани.

Леарџет 55 се урна по полетувањето од аеродромот во североисточна Филаделфија, соопшти Федералната управа за авијација за Си-Ен-Ен.

Авионот превезувал педијатриска пациентка и нејзината мајка кои се враќале дома во Мексико откако детето било лекувано во Филаделфија, изјави Шаи Голд, портпарол на операторот на летот, Jet Rescue Air Ambulance.

Девојчето било згрижено во болницата за деца „Шринерс“ во североисточна Филаделфија, соопштија градските власти.

BREAKING: In Northeast Philadelphia this guy was in a drive-thru trying to order food when an international intensive care air ambulance specialized in pediatric patients #medevac crashed behind him. On board six people including a child patient perished in the #planecrash pic.twitter.com/h7rgwjgDTD

— Parthiban Shanmugam (@hollywoodcurry) February 1, 2025

Медицинскиот авион беше на пат кон националниот аеродром Спрингфилд-Брансон во Мисури и требаше да застане за полнење гориво на аеродромот Спрингфилд пред да продолжи кон својата крајна дестинација Тихуана, Мексико.

Во авионот имало и четворица членови на екипажот, пилот, копилот, болничар и лекар, сите мексикански државјани.

Несреќата се случи само два дена откако авион на Американ ерлајнс се судри со воен хеликоптер во Вашингтон, при што загинаа 67 лица.

Студентите денеска блокираат три моста во Нови Сад, по повод три месеци од уривањето на настрешницата на градската железничка станица.

Блокадата започна во 15 часот. Варадински и мостот Жежељ мост ќе бидат блокирани три часа, а Мостот Слобода 24 часа.

На демонстрантите им се придружија белградските студенти кои во четвртокот тргнаа пеш кон Нови Сад.

Како што јавуваат српските медиуми, колоната е огромна и почнува од Универзитетот, а насобраните носат пароли и транспаренти. На самиот мост и неговите приоди веќе се собрани околу десет илјади граѓани.

Меѓу учесниците во блокадата на Мостот Слобода во Нови Сад има и трактористи, кои се распоредени по различни улици. Дел од нив се упатуваат кон мостот, а по нив студенти и граѓани.

По примерот на Нови Сад, денеска се блокирани и мостовите во Чачак.

Blokirani mostovi u Čačku ❤️ pic.twitter.com/qi3Kur6zsw

— Nikola Vujadinović (@vujadino2) February 1, 2025

Граѓаните се собраа и во Младеновац.

GO Mladenovac, 1.2.2025. pic.twitter.com/NYbMoHwYFb

— Predrag Aleksendrić 🌍 (@NaDrugiPogled__) February 1, 2025

Сите приоди од градот кон Дунав се блокирани. Ниту еден од нив не може да се пријде по ниту еден пат. Сообраќајот низ градот е или блокиран или се движи бавно.

Двете страни на реката, Сремска и Бачка, се практично одвоени, така што не може да се оди ниту во Петроварадин, ниту во Сремска Каменица.

Брнабиќ: Потребен ни е дијалог и разбирање

Претседателката на Националното собрание Ана Брнабиќ на социјалната мрежа „Х“ се огласи за претстојниот протест во Нови Сад . Таа рече дека „треба дијалог, разбирање и толеранција“.

Србији је потребан мир, потребна јој је стабилност, потребан јој је дијалог. Данас нам је у Новом Саду потребна толеранција и разумевање. Апелујем на све наше грађане да се клоне сваке врсте сукоба. Верујем да ће, нажалост, данас бити људи који ће свесно покушати да изазову…

— Ana Brnabic (@anabrnabic) February 1, 2025

Вучевиќ: „Градот ќе го казнат со блокирање на мостовите“

Зборувајќи за блокадите во Нови Сад, српскиот премиер Милош Вучевиќ рече дека не ги разбира, наведувајќи дека градот ќе биде казнет на овој начин.

Премиерот рече и дека во Србија владата може да се избира само на еден начин, на избори по волја на народот.

Вучиќ: „Се додека некој не ѝ се заканува на земјата со насилство, ние ќе бидеме флексибилни“

Српскиот претседател Александар Вучиќ вчера зборуваше за граѓанските и студентските протести.

– Се додека некој не ја загрозува стабилноста на земјата со насилство, ние ќе бидеме многу флексибилни и ќе се однесуваме многу фер кон оние кои размислуваат поинаку и поинаку ја гледаат иднината на нашата земја. Впрочем, тоа е смислата на демократијата – рече Вучиќ.

Правила за протест

Студентите апелираат до насобраните протестот да се одвива мирно и без инциденти. Дополнително, важно е никој да не остава ѓубре зад себе, за што ќе се погрижи тимот за хигиена на лице место. Тие ги повикуваат граѓаните да бидат толерантни и внимателни кон другите.

Тие нагласуваат дека се забранува секаков облик на насилство или уништување на градски имот, како и фрлање петарди или каква било употреба на експлозивни направи. Забрането е качување по мостови, со строго почитување на безбедносните зони.

Наведуваат и дека е забрането фрлање ѓубре и отпушоци надвор од канти и небезбедни приоди кон апаратите за греење. Исто така, забрането е искачување на трактор и блокирање на брзата лента за возила за итни случаи. Секое прекршување на правилата и сомнителни лица треба да се пријават кај чуварите.

Во несреќата која се случи на железничката станица во Нови Сад, на 1 ноември лани, загинаа 15 лица, меѓу кои и Македонецот Васко Саздовски.