Свет
Сè уште се трага по хеликоптерот со кој леташе иранскиот претседател Раиси, објави ИРНА
![](https://makfax.com.mk/wp-content/uploads/2022/01/000_9CL27J.jpg)
Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тешко слетување“ во планинскиот регион во северозападниот дел на Иран.
Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.
Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан.
Тој истакна дека „животите на Раиси и Амирабдолахиан „се загрозени по хеликоптерската несреќа“.
„Сè уште се надеваме, но информациите кои ни доаѓаат од местото на несреќата се многу загрижувачки“, наведе неименуваниот ирански претставник.
Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.
Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.
Портпаролот на Иранската служба за итни случаи изјави дека осум амбулантни возила се испратени во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Почнаа изборите за претседател на Иран, во изборната трка учествуваат четворица кандидати
![](https://makfax.com.mk/wp-content/uploads/2024/06/вфв.jpg)
Во Иран денеска се одржуваат претседателски избори, распишани по смртта на претседателот Ебрахим Раиси во хеликоптерска несреќа. Граѓаните избираат еден од четворицата кандидати кои се лојални на врховниот верски водач, ајатолахот Али Хамнеи.
Изборите се совпаѓаат со ескалацијата на регионалните тензии поради војната меѓу Израел и проиранските милитантни групи Хамас во Појасот Газа и Хезболах во Либан, како и зголемениот притисок на Западот врз Техеран предизвикан од забрзаниот напредок на иранската нуклеарна програма, забележува Ројтерс.
Иако изборите не се очекува да донесат значителни промени во иранската политика, аналитичарите велат дека нивниот исход може да влијае на изборот на наследник на Хамнеи, 85-годишниот ирански врховен верски водач кој е на власт од 1989 година.
Свет
Потврдено: Телото што го најде фармер во Германија е на исчезнатото 6-годишно дете Аријан
![](https://makfax.com.mk/wp-content/uploads/2024/06/arijan.jpg)
Детето чиешто тело е пронајдено на ливада во Долна Саксонија е малиот Аријан кој исчезна пред два месеци, утврдила ДНК анализата, пишува германски Шпигел.
Шестгодишното момче од Бремерверде-Елм исчезна на 22 април. Стотици припадници на итната помош го бараа момчето со аутизам – на копно, од воздух и во вода.
Телото го пронашол земјоделец додека ја косел тревата
Во понеделникот попладне, фармер го пронашол телото на детето додека косела ливада во Есторф, во областа Стаде. Ливадата се наоѓа на само неколку километри од куќата на Аријан.
Вештаците го извлекле телото и го прегледале местото каде што е пронајдено. Областа беше пребарувана неколку пати од службите за итни случаи за време на потрагата по Аријан во април, изјави портпаролката на полицијата.
По многубројните неуспешни пребарувања, во кои беше вклучен и Бундесверот, активната потрага по момчето беше прекината. Во потрагата беа користени повеќе од 1.200 луѓе, полицајци на коњи и дронови. Од тој момент истрагата ја презеде увидна екипа на полицијата.
Регион
Пет деца во Србија се затруле со хлор во воден парк
![](https://makfax.com.mk/wp-content/uploads/2024/06/воден-парк-илустрација.jpg)
Во детската болница во Нови Сад вчера биле примени шест деца, а пет од нив се задржани на лекување со поблага клиничка слика.
Според српските портали, постои сомнеж за труење со хлор во воден парк.
Децата кои се задржани во болница имаат поблаги симптоми. „Нова.рс“ споменува иритација на очите, кашлица, печење во носот. Едно дете е пуштено на домашно лекување.
Од новосадската полиција потврдија дека е добиена пријава за труење со хлор, но не откриваат детали.