Свет
Тага и гнев на родителите по катастрофата во Сеул: „Одмори се добро. Мама и тато ќе дојдат да те видат“
Тажни и револтирани родители од Јужна Кореја се збогуваат со жртвите од катастрофата на Ноќта на вештерките, а многумина го поставуваат истото прашање – зошто не биле преземени безбедносни мерки за контрола на толпата.
Веселиот поздрав на крајот од телефонскиот повик пред саботната вечер бил последниот што Јунг Хе-Мун го слушнал од ќерка си.
Неколку часа подоцна, 30-годишната Јонг Џо-хе беше меѓу 156-те луѓе, повеќето во тинејџерските и своите 20-ти години, кои починаа во стампедо во главниот град на Јужна Кореја додека ја прославуваа Ноќта на вештерките, првпат без мерки против коронавирусот во последните три години.
Ќерката е пронајдена во мртовечница по 12 часа потрага
Денес, семејството на младата жена ја закопа нејзината пепел во тивка семејна парцела надвор од Сеул, со букети пред надгробната плоча, со мрачен ритуал на молитва и солзи.
„Одмори се добро. Мама и тато ќе дојдат да ве видат“, рече Јунг Хе-Мун додека семејството стоеше покрај пудлицата на ќерка им.
Како што се појавиле вестите за катастрофата во саботата, Јунг Хе-Мун се упатил кон Итаевон, област со костимите за Ноќта на вештерките и редици амбулантни возила ги собирале жртвите. Повеќе од 12 часа подоцна тој ја нашол ќерката во мртовечницата.
Мајката Ли Хјо-сук изјавила дека ќерка ѝ била радоста на нејзиниот живот и нејзина најдобра пријателка и дека ги сакала животните и виното.
„Празнината е преголема“, рече Ли по погребот во кафулето што го води.
Кафулето е затворено со истакнат натпис во црна боја: „Во жалост“.
Болката ја чувствуваат сите 156 ужалени семејства, а традиционалното тридневно бдеење се приближува кон крајот и нивните сакани се ставени во ковчег за последен поглед пред погребот или кремирањето. Нивната тага ја споделува целата област по катастрофата што стави крај на толку многу млади животи, а требаше да биде вечер на забава.
Друг ужален татко, Сонг Јае-вунг, рече дека ќерка му, 24-годишната Јанг-Џу, била нежна душа, која бргу се спријателила со своите школски другари, од кои повеќе од 200 присуствувале на нејзиниот погреб.
Јанг-џу сонуваше да стане актерка, рече татко ѝ, говорејќи во погребната куќа во Сеул.
„Нејзините пријатели ми рекоа дека ќерка ми сакала да се дружи со сите. Имаше добра душа“, рекол тој и додал: „Сега сè е готово“.
Некои семејства не знаеле дека нивните деца се во толпата во забавниот кварт на Итаевон во саботата вечерта.
„Немав поим дека е таму. Беше невозможно, не можев да верувам“, рекол друг ужален татко додека присуствувал на погребот со своето семејство.
Татко побара тој и ќерка му да бидат идентификувани само со презимето Лим. Лим живее во странство и го нема видено своето единствено дете три години бидејќи поради коронавирусот, престана да патува. Првпат слушнал за катастрофата кога еден познајник му испратил СМС за тоа. Тогаш ниту еден од нив не знаел дека ќерка му е таму.
„Беше толку креативна и убава“, рече тој додавајќи дека често шетал во Итаевон со својата ќерка. Го паркирал нивниот автомобил во хотелот „Хамилтон“, веднаш до уличката каде што била убиена ќерка му.
„Ја знам многу добро таа улица“, рече тој.
За многу родители, гневот е измешан со тагата. Тие дури и се прашуваат зошто нивните деца ја прославувале Ноќта на вештерките – сосема туѓ концепт за постарите Корејци. Но, најголемото прашање за многумина од оние што тагуваат по своите деца е зошто не биле преземени безбедносни мерки за контрола на толпата.
„Тоа е срамота. Во секоја вонредна состојба една земја треба да го заштити својот народ и да ги чува безбедни“, рече Ли, мајката на Џо-хи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: ЕУ смета на Кина да изврши притисок врз Русија да ја прекине војната против Украина
Претседателката на Европската комисија, Урсула фон дер Лајен денеска изјави дека Европската унија смета на Кина да изврши притисок врз Русија да ја прекине војната против Украина.
„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата, пренесе Ројтерс.
„Претседателот Си одигра важна улога во деескалирањето на неодговорните нуклеарни закани на Русија и уверена сум дека претседателот Кси ќе продолжи да го прави тоа во контекст на тековните нуклеарни закани на Русија“, додаде таа.
Фон дер Лајен рече дека Кина може да го ограничи „неодговорното ширење“ на ирански ракети и беспилотни летала и ги повтори повиците за прекин на огнот во конфликтот меѓу Израел и Хамас.
„Веруваме дека Кина може да одигра важна улога во ограничувањето на неодговорното ширење на балистички ракети и беспилотни летала од страна на Иран“, изјави таа за новинарите по средбата со Кси.
Фон дер Лајен нагласи дека ЕУ не може да го апсорбира прекумерното производство на кинески индустриски стоки што го преплавуваат нејзиниот пазар.
Таа додаде дека го повикала Кси да преземе чекори за решавање на проблемот со вишокот капацитет.
„Кина која игра фер е добра за сите нас“, истакна Фон дер Лејен.
Фон дер Лајен во Елисејската палата се сретна со кинескиот претседател Си Џинпинг и со францускиот претседател Емануел Макрон. Кси пристигна во Франција во неделата на своето прво патување во Европа од 2019 година.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.