Свет
Талибанците влегуваат во Кабул
Талибанците денеска почнаа да го освојуваат главниот град на Авганистан, порано од очекуваното. Речиси две третини од земјата е под нивна контрола.
Иако Талибанците пред неколку часа преку нивните портпароли изјавија дека одлуката за напад врз Кабул се’ уште не е донесена, според авганистанското Министерство за внатрешни работи, Талибанците „го напаѓаат главниот град на Авганистан од сите страни“.
Претходно, Талибанците ја презедоа контролата врз повеќето провинциски главни градови, вклучувајќи го и Jалалабад, град во источен Авганистан. Според Ројтерс, oвој град бил освоен без борба.
Покрај тоа, со освојувањето на Јалалабад, Талибанците ја презедоа контролата врз автопатот што води кон Пешавар во Пакистан, важен пат за Авганистан.
Државите кои беа воено ангажирани во Авганистан веќе почнаа да го евакуираат персоналот на нивните дипломатски мисии во Кабул. САД испраќаат дополнителни војници за да го обезбедат аеродромот во Кабул и амбасадата.
Американскиот претседател Џо Бајден синоќа изјави дека испратил 5.000 војници и им рекол на бунтовниците дека секоја акција што ги загрозува животите на американскиот персонал ќе биде проследена со „брз и силен воен одговор“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.
Свет
„ Тоа е мојот син, го познав по кошулата“: Ископани масовни гробници во Газа
Властите во Газа го завршија претресот на масовните гробници во болница во јужниот дел на Појасот и соопштија дека откопале 392 тела. Претставник на палестинската цивилна одбрана во Газа вчера изјави дека 165 тела биле идентификувани и закопани во комплексот на болницата Насер во Кан Јунис по повлекувањето на израелските сили.
„Идентитетот на преостанатите 227 тела допрва треба да се утврди. Пронајдовме три масовни гробници, првата пред мртовечницата, втората зад мртовечницата и третата северно од зградата за дијализа“, рече Мохамед Ал Мигаџер. Израелските одбранбени сили (ИДФ) негираат дека нивните војници ставале тела во масовни гробници и тврдат дека гробниците во комплексот биле ископани од Палестинци во Газа пред неколку месеци.
Цивилната одбрана на Газа признава дека околу 100 луѓе биле закопани во болничката област. Новинар на Си-Ен-Ен, кој во неделата ја посети областа, наведува дека во јануари, како дел од привремена мерка, мештаните ги закопале телата на убиените членови на семејството во болницата бидејќи немало безбеден пристап до гробиштата.
Кога се вратиле по израелското повлекување, откриле дека телата биле ексхумирани, веројатно за да може ИДФ да користи ДНК анализа за да утврди дали меѓу нив има заложници.
Ал Мигаџер наведува дека цивилната одбрана пронашла тела на деца во масовни гробници, што докажува дека се работи за геноцид. Палестинските власти веруваат дека најмалку 20 цивили биле живи закопани, но не соопштуваат детали. Ал Мигаџер тврди дека некои болнички пациенти биле и егзекутирани и дека на нивните тела биле пронајдени прострелни рани во главата.
Си-Ен-Ен пренесува изјава на татко кој го идентификувал распаднатото тело на неговиот 15-годишен син. Човекот погледнал во безживотното тело на детето и рекол: „Тоа е мојот син, јас го знам тоа по неговата кошула“. “О Боже, тој е мртов. Тој е мртов”, рече тој, бришејќи ги солзите.
„Циркулираат дезинформации во врска со масовната гробница во болницата Насер. Гробовите беа ископани во Газа пред неколку месеци. Тоа го потврдуваат видеата што тогашните жители на Газа ги објавуваа на социјалните мрежи“, напиша Надав Шошани.
„Секој обид да се обвини Израел за закопување цивили во масовни гробници е лага. Тоа е пример за кампања за дезинформации чија цел е делегитимирање на Израел“, додаде тој. ИДФ соопшти дека отстранила десетици тела од Газа за ДНК тестови во Израел, а потоа ги ставила посмртните останки во контејнери.
„Чувствуваме потреба да алармираме бидејќи се откриени повеќе тела“, рече Равина Шамдасани, портпаролка на Високиот комесаријат за човекови права на ОН. Таа ги опиша телата кои биле „закопани длабоко во земјата и покриени со ѓубре“, додавајќи дека „меѓу загинатите наводно има постари лица, жени и повредени“, вклучително и некои кои биле врзани и без облека.
Лекарите кои работат за Лекари без граници велат дека израелските сили ја нападнале болницата Насер кон крајот на јануари, пред да се повлечат еден месец подоцна, оставајќи ја установата неспособна да функционира.