Свет
Талибанците со декрет – Жената не е сопственост, туку слободно суштество

Талибанската влада во Авганистан донесе декрет за правата на жените во кој се наведува дека жените не треба да се сметаат за сопственост и да не се принудуваат на брак, пренесуваат светските агенции.
„Жената не е сопственост, туку благородно и слободно човечко суштество. Никој не може никому да му го даде во замена за мир или за прекин на непријателствата“, се вели во декретот на талибанците, изјави нивниот портпарол Забихула Муџахид.
Уредбата ги утврдува правилата за бракот и имотот на жените, наведувајќи дека жените не треба да се присилуваат на брак и дека вдовиците треба да имаат удел во имотот на починатиот сопруг.
Судовите треба да ги земат предвид овие правила при донесување одлуки, а министерствата за верски прашања и информации треба да ги промовираат овие права, се вели во декретот.
Сепак, во него не се споменува дека жените можат да работат или да пристапат до објекти надвор од домот или образованието, што претходно предизвика голема загриженост и критики од меѓународната заедница.
За време на претходното владеење од 1996 до 2001 година, талибанците им забрануваа на жените да ја напуштаат куќата без придружба и целосно да ги покриваат лицата и главите, додека на девојчињата им беше забрането образование.
Талибанците, меѓутоа, сега тврдат дека се смениле и дека е дозволено отворање средни училишта за девојки во некои провинции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.