Свет
Танзанија забрани споменување на коронавирусoт

Танзанија е една од ретките земји каде што за време на поголемиот дел од пандемијата се намалуваше нејзиното значење, а властите одбија да преземат строги мерки за да се запре ширењето на вирусот.
Но, незадоволството во земјата расте поради тоа, заедно со смртните случаи кои се припишуваат на „пневмонија“, пишува британски „Гардијан“.
Весникот наведува дека луѓето се свесни дека вирусот е присутен, дека има многу случаи на болеста и смртни случаи, но дека не е дозволено јавно објавување.
„Ковид-19 убива луѓе и гледаме многу случаи, но не смееме да разговараме на таа тема“, изјави за „Гардијан“ лекар од најголемиот град во Танзанија, Дар ес Салам, кој, како и многумина, побара да не биде именуван поради страв од можна казна.
„Гардијан“ пишува дека претседателот на Танзанија, Џон Магуфули, континуирано ја намалува сериозноста на вирусот дури и кога соседните држави ги затвораат границите и спроведуваат полициски час и национално затворање.
Земјата последен пат ги објави податоците за коронавирус во април 2020 година, во исто време кога претседателот Магуфули откри дека тајно испратил разни предмети за тестирање на Ковид-19, од кои папаја, коза и други биле позитивни, пренесува лондонскиот весник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.