Свет
Тајфун во Јапонија направи хаос: еден загинат и над 60 повредени, поплавени улици, пукна градежен кран

Најмалку едно лице загина, едно е исчезнато, а 60-ина лица се повредени кога тропска бура го погоди југозападниот дел на Јапонија и се упати на север кон Токио, јавува АП.
Улиците беа преплавени со матна вода од реките, а многу домаќинства останаа без струја кога тајфунот Нанмадол вчера го погоди регионот Кјушу слабеејќи во тропска бура.
Еден човек е пронајден мртов рано утринава во својот автомобил, кој бил потопен на фарма, изјави локалниот функционер Јошихару Маеда од Мијаконоџи во префектурата Мијазаки. Тој додаде дека едно лице се води како исчезнато кога одронот ја зафатил колибата.
Нанмадој дувал со брзина од 108 километри на час, со налети до 162 километри, соопшти Јапонската метеоролошка агенција. Десетици илјади луѓе ја поминаа ноќта во гимназии и други јавни институции за секој случај. Меѓу 60-те повредени има и такви што паднале бегајќи од дождот, а некои биле погодени од парчиња стакло, јавуваат јапонските медиуми.
Силниот ветер урна патишта и билборди, се скршил градежен кран, а штета е направена и на казино во градот Кагошима во југозападна Јапонија.
Брзите возови и авиони не сообраќаа, а предупредувања беа издадени поради можни одрони и излевање на реките. Се прогнозира дека бурата ќе го продолжи својот пат североисточно, преку главниот остров Хоншу, пред да стигне до Токио и североисточна Јапонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.