Свет
„Твитер“ и „Фејсбук“ обвинети за цензурирање на палестинските содржини
Канцеларијата за медиуми на палестинската влада во Појасот Газа ги критикува платформите на социјалните мрежи за цензура на палестинските содржини за време на актуелната ескалација во Ерусалим, пренесува „Мидл Ист монитор“.
„Фејсбук“, „Твитер“ и „Инстаграм“ беа споменати специфично во пораката. Овие платформи, како што се тврди, се одговорни за бришење на палестинските содржини и за забрана на десетици пропалестински профили поради нивното покривање на настаните во џамијата „Ал-Акса“ и немирите во ерусалимската населба Шеик Џара.
Канцеларијата нагласи дека овие мерки се доказ за соучесништво на овие платформи на социјалните медиуми со израелските власти и нивните двојни стандарди. Тие го одвлекуваат јавното внимание од прекршоците на израелските власти, притоа ограничувајќи ја пропалестинската содржина под изговор дека ги крши стандардите за објавување.
„Ваквите мерки од овие големи платформи претставуваат повреда на слободата на мислење и изразување“, се тврди во пораката.
Палестинската влада во Газа ги повика гореспоменатите платформи да стават крај на нивната антипалестинска позиција и повторно да ги активираат сите блокирани профили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.