Свет
„Твитер“ почна кампања со која ги мотивира корисниците од САД да се регистрираат за гласање

„Твитер“ ќе испраќа пуш-нотификации и известувања до корисниците во САД за да ги поттикне да се пријават за да гласаат на претстојните претседателски избори, пренесува „Ју-ес-еј тудеј“. Кампањата очигледно е темпирана да се совпадне со Националниот ден на регистрација на гласачи во САД.
Освен чистото вербално поттикнување да се регистрираат за гласање, „Твитер“ исто така ќе му испрати на секој корисник од САД потсетување да ја потврди својата регистрација преку алатката TurboVote на интернет и линк до „Твитер момент“ со повеќе информации за регистрација на гласачи.
Некои дополнителни алатки за оваа кампања, кои весникот ги опиша како „најголемите притисоци од ‘Твитер’ досега“, ќе ги вклучуваат новите хаштагови #NationalVoterRegistrationDay и #VoteReady.
Кампањата на „Твитер“ следи по онаа на „Фејсбук“, кој почна слична иницијатива „излези да гласаш“ во средината на август.
Ваквото мешање во изборниот процес од страна на социјалните медиуми може да ја измени излезноста, стравуваат експертите. Бидејќи примателите на сигнали и известувања се најголемиот дел од корисниците на специфичната платформа, „Фејсбук“ може да ја измени излезноста на постарите и поконзервативните, додека „Инстаграм“, на пример, веројатно ќе ја измени излезноста на помладите и полибералните.
САД треба да одржат претседателски избори на 3 ноември. Актуелниот претседател Доналд Трамп е кандидат на Републиканската партија, а поранешниот потпретседател Џо Бајден е кандидат на демократите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Момче загина од мина обидувајќи се да ги врати козите, неговата професорка напиша емотивна порака

Вчера, 19-годишниот Мехмед Хасанамиџиќ го загуби животот во населбата Хоџиќи во Добој. Според извештаите, младиот човек влегол во обележаното минско поле за да ги врати козите, кога ја активирал мината.
Случајот ја потресе Босна и Херцеговина, особено оние што го познавале Мехмед. Неговата поранешна професорка Сенада Џаниќ исто така се збогува со него на социјалните мрежи.
– Не можам да ги сопрам солзите. Мојот поранешен студент почина. Мој. Еден момент, еден чекор и сè исчезна. Бев токму во куќата на Мехмед, во близина на местото каде што го загуби животот. Тој беше дете на сиромаштија, растејќи во тешки услови што многумина не можеа ни да ги замислат. И повторно, полн со почит и благодарност – напиша Џаниќ на својот Фејсбук профил.
Таа додаде дека Мехмед бил скромен, смирен и повлечен, но дека секогаш имал насмевка, и додека таа му била учителка и години подоцна.
Како што изјави, таа му помогнала на неговото семејство колку што можела.
– Безброј пати сум била кај Ферида и мојот Мехмед, но сега чувствувам дека не сум направила доволно. Срцето ми е тешко од тага и вина. Да можев да направам барем малку повеќе, уште еден чекор поблиску до тоа семејство… Можеби тоа немаше ништо да промени, но сега сè ми се чини како да требаше да помогнам повеќе. За жал, малкумина од нас знаеја за тешкиот живот на ова семејство. Нека Бог ве благослови вечно, а Аллах нека му даде сила на вашето семејство да ја преживее оваа незамислива загуба – напиша таа.
Професорката откри и дека во својот краток живот, Мехмед сакал само една соба за себе, скромна, но своја – која, за жал, не ја добил.
– Никој, особено децата, не треба да умираат поради војните што поминале и сè уште одземаат животи. Децата не треба да страдаат како мојот Мехмед, кој страдаше поради тешките услови и сиромаштијата. Душата на учителот боли, мој Мехо, а ти секогаш ќе останеш во моите мисли и молитви. Знам дека знаеше дека те сакам и тоа ми е голема утеха. Спиј, момче, и прости му на светот, сурово е – рече Џаниќ.
Свет
Страшни бројки на изчезнати лица во Мексико, пријавени се повеќе од 130.000 луѓе

Илјадници луѓе учествуваа во протести низ Мексико, со барање испратено до владини претставници да вложат повеќе напори за решавање на случаите на повеќе од 130.000 исчезнати лица, објавува денес Би-Би-Си.
Роднини и пријатели на исчезнатите лица, како и активисти за човекови права, протестираа на улиците на Мексико Сити, Гвадалахара, Кордоба и други градови барајќи правда и повикувајќи ја владата на претседателката Клаудија Шајнбаум да помогне во пронаоѓањето на исчезнатите.
Повеќе од 130.000 луѓе се пријавени како исчезнати во Мексико, од кои речиси сите се случиле од 2007 година, кога тогашниот претседател Фелипе Калдерон ја започна својата „војна против дрогата“.
Во многу случаи, оние што исчезнале биле насилно регрутирани во нарко-картели или биле убиени затоа што се спротивставувале.
Од јужните држави како Оахака до северните држави како Сонора и Дуранго, на протестите присуствуваа илјадници активисти и членови на семејствата на исчезнатите, носејќи транспаренти со лицата на нивните роднини, барајќи властите да сторат повеќе за справување со проблемот.
Многу од погодените семејства формираа тимови за пребарување, познати како „бускадорес“, кои ги пребаруваат селата и пустините во северно Мексико, следејќи ги информациите, честопати од самите картели, за локацијата на масовните гробници.
Свет
Големо невреме во Албанија, ветерот носеше сè пред себе

Невреме, проследено со силен ветер и обилен дожд вчера попладне ја зафати и територијата на Албанија, што услови прекин во воздушниот,поморскиот и на делови од патниот сообраќај.
„Силното невреме што ја погоди Албанија, предизвика привремен прекин на летовите на меѓународниот аеродром во Тирана. Пистата е погодена од силен ветер и дожд, што го оневозможува нормалното функционирање на летовите. Властите ги прекинаа летовите додека не се подобрат временските услови“, објави Евроњуз Албанија.
Невремето кое предизвика големи бранови услови прекин и на поморските сообраќај.
Во пристанишниот град Драч, како и во Тирана и други делови на земјата ветерот носеше се пред себе. Имаше паднати дрвја, а во повеќе делови имаше прекин во снабдувањето со електрична енергија.