Европа
Темни прогнози на австрискиот канцелар: Курц вели дека вториот бран е реално сценарио
![](https://makfax.com.mk/wp-content/uploads/2020/05/Kurtz.jpg)
Австрискиот канцелар Себастијан Курц изјави дека вториот бран на епидемија на коронавирусот е реално сценарио, додавајќи дека прашањето е дали државата ќе успее да ја задржи ситуацијата под контрола, односно да ја ограничи инфекцијата регионално и брзо да ги изолира заразените или, пак, ќе дојде до експоненцијален раст.
Курц во интервју за швајцарски „Блик“, на прашањето дали Австрија се враќа премногу брзо во нормалниот живот или, пак, другите земји го прават тоа премногу бавно, рече дека ситуацијата во секоја земја е поинаква.
„Дејствувавме брзо и рестриктивно и сега можеме побрзо да одиме во насока на отворање. Сепак, ова го правиме со претпазливост, затоа што мора постојано да ги следиме броевите и да спречиме да дојде до појава на втор бран“, објасни тој.
На прашањето како Австрија презеде акција толку брзо и сега се движи кон отворање, Курц рече дека бил во контакт со азиските земји кои претходно минале низ кризата и дека Австрија учи од нив.
„Целта беше јасна – да се реагира брзо и цврсто за да се спречи ширењето, а потоа брзо да се вратиме кон нормалноста и да се крене земјата“, нагласи тој.
Денес, додаде тој, се покажа дека раната реакција го спречила најлошото.
Курц истакна дека не мери меѓу здравството и економијата, бидејќи колку повеќе беснее болеста, толку е тоа полошо за здравјето и за економијата.
Тој рече дека Австрија ќе биде претпазлива во подигањето на економијата, бидејќи повторното затворање би било најлошо за економијата.
Исто така посочи дека отворањето на првите продавници немало негативни последици по бројот на инфекции, кој сè уште е под 100 дневно.
На прашањето кога Швајцарците ќе можат повторно да одат на одмор во Австрија, Курц одговори дека ова може да се процени во наредните недели.
Прашан за последиците од коронавирусот за ЕУ, тој изрази надеж дека Европа ќе излезе посилна од кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.