Свет
Тереза Меј шутната на крајот на групната фотографија на ЕУ-лидерите

Британската премиерка Тереза Меј се најде „на работ“ од ЕУ кога лидерите на Европската Унија се собраа за традиционалната семејна фотографија на самитот во бугарскиот главен град Софија. Меј беше шутната на далечната страна на групата додека златнoто момче на ЕУ, Емануел Макрон, се најде во центарот на вниманието на фотографирањето, пренесува британски „Експрес“.
Британската премиерка стоеше веднаш до португалскиот премиер Антонио Коста, зад унгарскиот лидер Виктор Орбан и шефот на ЕУ, Жан-Клод Јункер, а широката насмевка на Макрон се најде блиску до средината на фотографијата. Меј претходно беше фотографирана во разговор со францускиот претседател и германската канцеларка Ангела Меркел кога ја реафирмира британската безусловна посветеност на европската безбедност по брегзит.
Говорејќи на самитот, Меј ја вети поддршката на Британија за балканските земји и рече дека нивната безбедност и стабилност се поврзани со онаа на остатокот од Европа.
„Историјата покажува дека ако Западен Балкан е стабилен и безбеден, тогаш цела Европа е постабилна и посигурна. Неодамнешното минато на регионот е несомнено тешко и Албанија, Босна и Херцеговина, Косово, Македонија, Црна Гора и Србија сè уште се соочуваат со многу закани за напредокот. Сериозен и организиран криминал, корупција, тероризам, невработеност на младите, нелегална миграција, религиски и политички екстремизам. Ако не се соочиме со овие предизвици, ризикуваме тие да го поткопаат тешко постигнатиот напредок и да станат пречка за понатамошниот раст и за реформите“, рече таа.
Следниот самит за Западен Балкан ќе се одржи во Лондон во јули и ќе се занимава со прашања како што се корупцијата, организираниот криминал и економската стабилност. Исто така, ќе се побара засилена политичката соработка за споровите меѓу земјите во регионот и оние што произлегуваат од конфликтите во 90-тите години. Последните војни во Европа се случија во Босна, Хрватска и во Косово во 90-тите години по распадот на поранешна Југославија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Свет
Русија: Предлозите на Западот за Украина се опасни, нè водат во конфликт со НАТО

Русија изјави дека западните предлози за безбедносни гаранции за Украина би го зголемиле ризикот од конфликт меѓу Москва и НАТО претворајќи го Киев во стратешки провокатор на границите на Русија.
Европските сојузници на Украина работат на изготвување сет гаранции за Украина што би можеле да бидат дел од потенцијален мировен договор и би биле дизајнирани да го заштитат Киев од евентуален иден руски напад.
Украинскиот претседател Володимир Зеленски во четвртокот изјави дека очекува рамката за безбедносните гаранции да биде утврдена уште следната недела.
„Безбедносните гаранции мора да се базираат на постигнување заедничко разбирање што ги зема предвид безбедносните интереси на Русија“, изјави портпаролката на руското Министерство за надворешни работи, Марија Захарова.
Таа на брифинг за медиумите во Москва изјави дека сегашните предлози се „еднострани и јасно дизајнирани да ја содржат Русија“.
„Овој сет предлози го крши принципот на неделива безбедност и му ја доделува на Киев улогата на стратешки провокатор на границите на Русија зголемувајќи го ризикот НАТО да се вклучи во вооружен конфликт со нашата земја“, додаде таа.
Москва претходно изјави дека не ѝ се допаѓаат европските предлози и дека нема да прифати никакво присуство на трупи на НАТО на украинска територија.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин